| e-texts navigator |
| བོད་ཡིག |
17a1 kyi tshul gang byang chub sems dpa'i spyod pa thams cad ston par byed pa dang / sangs rgyas kyi chos thams cad rjod par byed pa de lta bu'i chos kyi tshul ngas khyed la bshad do// bcom ldan 'das leg/
17a2 so zhes gsol nas/ byang chub sems dpa' de dag bcom ldan 'das kyi ltar nyan pa dang / bcom ldan 'das kyis de dag la 'di skad ces bka' stsal to// rigs kyi bu dag de lta bas na mya ngan las 'das pa'i
17a3 bsam pa can du gyis shig/ 'khor bar sbyor ba can du gyis shig/ 'khor ba dang mya ngan las 'das pa la yang gnas par ma byed cig/ de dag gis gsol pa/ bcom ldan 'das ji ltar na byang chub sems dpa'
17a4 rnams mya ngan las 'das pa'i bsam pa can dang 'khor bar sbyor ba can lags/ ji ltar na 'khor ba dang / mya ngan las 'das pa la yang mi gnas pa lags/ bcom ldan 'das kyis bka' stsal pa/ 'chi ba med
17a5 pa'i bde ba la reg par bya ba'i phyir mya ngan las 'das pa'i bsam pa can yin/ dge ba'i rtsa ba bsags pa'i phyir 'khor bar sbyor ba can yin/ 'phags pa dngas so'i skye bo dag sbyin pa'i phyir 'khor ba dang mya ngan las 'das
17a6 pa la'ang mi gnas te/ de ni tshul la/ rigs kyi bu dag de lta bas na rang gi sems yongs su sbyongs shig/ pha rol gyi sems srungs shig/ sems dpa' ba can du gyis shig/ gsol pa/ bcom ldan 'das ji ltar
17a7 na byang chub sems dpa' rnams rang gi sems yongs su spyod par bgyid pa lags/ ji ltar na gzhan gyi sems srung ba legs/ ji ltar na sems dpa' ba can lags/ bka' stsal pa/ nyon mongs pa sel phra/
17a8 rang gi sems yongs su spyod par byed pa yin/ khong khro ba med pas gzhan gyi sems srung ba yin/ byang chub kyi sems mi gtong bas sems dpa' ba yin te de ni tshul lo// rigs kyi bu dag de lta bas na bya ba dang yang
iiif viewer powered by OpenSeadragon
Texts on this page
Q910 - 'phags pa chos kyi tshul zhes bya ba theg pa chen po'i mdo