rKTs

e-texts navigator

Volume

Page

192a₁ ldan par bdag cag nyid kyis mthong lags so/ / bcom ldan 'das kyis bka' stsal pa/ rigs kyis bu dag de bzhin te/ de bzhin gshegs pa mar me mdzad yongs su mya ngan las 'das nas/ de'i
192a₂ gsung rab la shes rab brtsegs shes bya ba chos smra ba zhig byung ba la khyed kyis smad de/ de phyin chad khyed kyis nam yang sangs rgyas ma mthong ngo // nam yang byang chub kyi sems ma rnyed do// gzungs dang ting nge 'dzin ma rnyed do//
192a₃ rigs kyi bu dag khyod nga'i byang chub la yang dag par zhugs kyang bskal pa bzang po 'di la de bzhin gshegs pa gang 'byung ba'i tham ba'i tshe khyod mi skye ba'i chos la bzod pa thob par 'gyur ro// de phyin chad bskal pa
192a₄ grangs med pa gsum gyis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / rigs kyi bu dag de bas na byang chub sems dpa' dag gis byang chub sems dpa' mthong na sems kyis
192a₅ gzhan bsam par mi bya ste/ bdag cag gis mchod rten nam/ de bzhin gshegs pa mthong ngo // bdag cag gi mdun na sangs rgyas bzhugs so snyam du sems so// rigs kyi bu dag gal te byang chub sems dpas byang chub sems dpa'
192a₆ mthong na mchod rten gyi 'du shes sam/ de bzhin gshegs pa'i 'du shes bskyed pa ma gtogs par 'du shes gzhan skyed par mi bya'o// gzhan du gyur na byang chub sems dpas bdag nyid la rma phyung bar 'gyur ro// de la dgongs te/
192a₇ de bzhin gshegs pa mi 'khrugs pas thugs dam bzhes pa/ gal te bdag gis sems dang po bskyed pa'i byang chub sems dpa' mthong ste sangs rgyas kyis 'du shes ma bskyed na ngas 'jig rten gyi khams dpag du med pa rnams
192a₈ na gang dag bzhugs pa'i sangs rgyas bcom ldan 'das thams cad la bslus par gyur cig/ ces bya ba yin no// rigs kyi bu dag phyi ma'i dus lnga brgya tha ma la gang su dag gzungs thob pa 'am/ ting nge 'dzin thob par 'gyur ba de dag

_{iiif viewer powered by OpenSeadragon}

191b - 192b

Texts on this page