rKTs

e-texts navigator

Volume

Page

191a₁ pas skye bo rab tu dga' bar byas kyang ngo mos pa ji lta ba bzhin du chos bstan pa la mkhas pa ma yin te/ de skye bor dag la chos thams cad ni stong pa'o// zhes stong pa nyid kyis 'doms shing stong pa nyid kyis rjes su ston te/
191a₂ gang des chos thams cad stong pa'o// zhes bstan pa 'di ni de bzhin gshegs pa'i bka' kho na yin no// gang 'tshe ba yongs su dag pa nges bshad pa de ni skyon chags pa ste// dge slong de 'tshe ba yongs su dag pa ma yin naci
191a₃ phyir ming 'tsho ba yongs su dag pa zhes bya/ de ni 'tsho ba yongs su dag pa ma yin te/ de ci'i phyi ri zhe na/ me tog yongs su len cing blangs nas yongs su spyod do// spos dang byug pa yongs su len cing blangs nas yongs su spyod do// de ni shes
191a₄ pa ma yin te byis pa'o/ / nga ni tshangs par spyad nas yun ring ba yin gyi de ni gsar bya ste/ bsnyen par rdzogs nas ring por malon pa yin gyis de ltar yid ches par ma byed cig ces zer ro// dge slong de ni bgayod pa yin// dge slong 'tshob
191a₅ yongs su dag pa de la skye bo de dag rab tu dad pas de ltar des skye bo de dag la dbyen byas na dbye bar mi nus so/ / de nas dge slong chos de 'chi ba'i dus byas par gyur te 'chi ba'i dus byas nas 'di ltar de bzhin gshegs pa la bskur ba btab pa
191a₆ dang / 'di ltar chos spangs pas bskal pa bdun bcur sems can dmyal bar skyes so// de bskal pa bdun bcu po de dag 'das nas bskal pa drug bcur byang chub kyi sems brjed do// bskal pa drug bcu po de dag 'das nas de
191a₇ bzhin gshegs pa kun nas spos rin po che'i 'od kyi gsung rab la de bzhin gshegs pa des byang chub tu sems bslang du bcug nas des byang chub du sems bskyed do/ / tshe rabs dgu khrir dud 'gro'i skyes gnas su skyes so//
191a₈ rabs drug khrir mi dbul po rnams kyi nang du skyes te/ thams cad du yang lce med par gyur to// dge slong 'tsho ba yongs su dag pa de sangs rgyas khrag khrig phrag lnga'i gan na chos smra bar gyur te/ thams cad du yang mngon par shes pa

_{iiif viewer powered by OpenSeadragon}

190b - 191b

Texts on this page