| e-texts navigator |
| བོད་ཡིག |
188b1 gshegs pa dgra bcom pa yang dag par rdzogs pa'i sangs rgyas rnams kyis sngon gsungs pa ni de skye bo mang po la sman pa dang / skye bo mang po la bde ba dang / de bzhin gshegs pa'i bstan pa 'di yang yun ring du gnas
188b2 par 'gyur ba'i slad du/ bcom ldan 'das kyis kyang bstan du gsol zhes gsol nas/ bcom ldan 'das kyis lha'i bu dbang phyug chen po la cang mi gsung bas gnang bar mdzad do// de nas lha'i bu dbang phyug chen pos
188b3 bcom ldan 'das kyis cang mi gsung bas gnang bar rig nas phyogs gcig du 'dug go/ / de nas bcom ldan 'das kyis byang chub sems dpa' sems dpa' chen po byams pa la bka' stsal pa/ mi pham pa 'das
188b4 pa'i dus kyis de bzhin gshegs pa dgra bcom pa yang dag par rdzogs pa'i sangs rgyas gang rnam par 'thag pa thams cad bsdus pa'i mdo'i chos kyi rnam grangs 'di ma gsungs pa de mi bzhugs so/ / ma 'ongs pa'i
188b5 dus na de bzhin gshegs pa 'byung ba gang chos kyi rnam grangs 'di gsung bar mi 'gyur ba gang yang mi 'byung ngo / / de ci'i phyir zhe na/ gang zhig chos 'di la sbyang ba ma byas par chos ston pa de ni de bzhin gshegs
188b6 pa la bskur ba 'debs pa yin/ / chos spong ba yin/ dge 'dun la smod pa yin no// sra dkon mchog gsum la log par zhugs pa de ni ngas ngan song ba sems can dmyal ba par gsungs so// byams pa de lta bas na
188b7 rigs kyi bu'am/ rigs kyi bu mo byang chub la yang dag par zhugs pa gang dag bdag la 'khrul pa med par 'dod pa de dag gis chos kyi rnam grangs 'di rtogs par khong du chud par byas la de nas gdong chos bstan par
188b8 bya'o/ / byams pa phyi ma'i dus na dam pa'i chos bsdu ba 'di khyod kyi las yin gyis soms shig/ byang chub sems dpa' sems dpa 'a chen po byangs pas bcom ldan 'das de bzhin no// zhes gso te/ bcom ldan 'das kyi ltang nyan to// des pa
iiif viewer powered by OpenSeadragon
Texts on this page
Q893 - 'phags pa rnam par 'thag pa thams cad bsdus pa zhes bya ba theg pa chen po'i mdo