| e-texts navigator |
| བོད་ཡིག |
188a1 stong chen po'i 'jig rten gyi khams ljags kyi dbang pos lan gsum khyab par mdzad cing rdzu 'phrul mngon par 'du bya ba des khyab par mdzad nas yang rnam par gzigs so/ / de nas thams cad dang ldan pa
188a2 'khod de stan las langs te/ thal mo sbyar nas bcom ldan 'das nyid la phyag 'tshal zhing 'bod par gyur to// de nas bcom ldan 'das kyis byang chub sems dpa' sems dpa' chen po byams pa la bka' stsal pa// mi rim pa de bani
188a3 gshegs pa ring por mi thogs par yongs su mya ngan las 'da' bar 'gyur gyis 'di ni khyed de bzhin gshegs pa la yongs su dri ba'i dus yin no/ / 'di ni tshad yin no// khyed gang su dag chos la the tshom yod pa de dag de bzhin
188a4 gshegs pa la yongs su ma zhus na de bzhin gshegs pa mngon sum du bzhugs pa'i tshe bdag cag gis ma zhus pa gang la srid ces phyis 'gyod par gyur ta ra/ de skad ces bka' stsal pa dang / byang chub sems dpa' sems
188a5 dpa' chen po byams pas bcom ldan 'das la 'di skad ces gsol to/ / bcom ldan 'das nyid mkhas pa/ bcom ldan 'das nyid dus mkhyen pa/ tshod mkhyen pa/ ran pa mkhyen pa/ bcom ldan 'das nyid thams cad mkhyen cing
188a6 thams cad gzigs pa ste/ chos thams cad rtogs par thugs su chud pa lags na/ bcom ldan 'das kyis chos bstan pa rnam pa ji lta bus yang dag par rdzogs pa'i sangs rgyas thams cad kyi chos kyi tshul 'di yun ring
188a7 du gnas par 'gyur ba de lta bur chos legs par bstan du gsol/ / de nas lha'i bu dbang phyug chen po gnas gtsang ma'i ris kyi lha'i babye ba phrag brgyad bcu'i g.yog 'khor dang ldan pas bcom ldan 'das kyi zhabs la mgo
188a8 bos phyag 'tshal te thal mo sbyar nas/ bcom ldan 'das la 'di skad ces gsol to// bcom ldan 'das rnam par 'thag pa thams cad bsdus pa zhes bgyi ba'i chos kyi rnam grangs 'di sngon gyi de bzhin
iiif viewer powered by OpenSeadragon
Texts on this page
Q893 - 'phags pa rnam par 'thag pa thams cad bsdus pa zhes bya ba theg pa chen po'i mdo