rKTs

e-texts navigator

Volume

Page

181b₁ dag chos kyi rnam grangs 'di 'dzin pa 'am/ kun chub par bgyid pa 'am/ mos par bgyid pa de dag ni mang du thos pa'i mchog tu bstan par bgyi ba lags so// de ci'i slad du zhe na/ bcom ldan 'das chos kyi rnam
181b₂ grangs 'di ni thos pa thams cad dang ldan pa lags pa'i slad du'o/ / de ltar nyan thos che na po de dag thams cad kyis rang rang gi mchog brjod pa dag gis chos kyi rnam grangs 'di mngon par bstod do// de nas bcom ldan 'das
181b₃ kyis tshe dang ldan pa kun dga' bo la bka' bstsal pa/ kun dga' ba de lta bas na khyod kyis chos thams cad bsal ba med cing gzhag pa med pa la gnas pas sangs rgyas kyi byang chub 'di bdag nyid kyis yang dag par ston cing /
181b₄ chos gang yang dor du med pa dang / thob par byar med par chos ston cig/ yongs su shes par byar med pa dang / spang du med pa dang / bsgom du med pa dang / mngon sum du byar med pa dang / mngon par rtogs par byar
181b₅ med pa dang / 'khor ba las bskyod du med pa dang / mya ngan las 'das par 'gror med pa dang / rgyun du zhugs pa'i 'bras bu thob par byar med pa dang / lan cig phyir 'ong bar 'gyur ba dang / phyir mi 'ong bar 'gyur ba
181b₆ dang / dgra bcom pa nyid kyi 'bras bu thob par byar med par chos ston cig/ de ci'i phyir zhe na/ kun dga' bo chos thams cad ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa'i chos yin
181b₇ te/ chos kyi dbyings mnyam pa nyid kyi phyir ro// kun dga' bo de lta bas na/ khyod kyi byang chub sems dpa'i theg pa pa'i gang zag rnams las nyan thos dang / rang sangs rgyas kyi sa las bzlar med pa dang / sangs rgyas kyi chos
181b₈ rnams thob par byar med par chos ston cig/ de ci'i phyir zhe na/ kun dga' bo chos thams cad ni sangs rgyas kyi chos yin te/ chos kyi dbyings mnyam pa nyid kyi phyir ro// kun dga' bo gzhan yang khyod kyis rnal 'byor

_{iiif viewer powered by OpenSeadragon}

181a - 182a

Texts on this page