| e-texts navigator |
| བོད་ཡིག |
236b1 bar 'gyur ro/ / dpe med pa'i grong khyer der ra ba dang / yang tog dang / blo'i tshogs dang / 'o bas dpe med pa dag 'byung bar 'gyur ro// dag cing nyon mongs pa zhi bar byed pa'i chu'i klung nag po bzang po zhes bya ba ni de'i tshe gtsang
236b2 ma bzang po zhes bya bar 'gyur de/ / 'gram pha rol tshur rol dpe med pa'i shing ljon pa'i kun dga' ra ba nyams dga' ba dang ldan par 'gyur ro// 'jig rten gyi khams gtsang ma spyod pa de yang 'di lta ste dper na dga'
236b3 ldan gyi lha rnams kyi longs spyod dang / yongs su spyod pa bzhin te/ ri dang / rdo dang / bong ba dang / gyo mo dang / gseg ma la sogs pa med par 'gyur zhing mu stags can gyi ming yang med par 'gyur ro// nyan thos dang / rang
236b4 sangs rgyas thams cad kyi ming yang mi grag par 'gyur ro/ / skyes pa dang bud med dag pa'i byang chub sems dpa'i dge 'dun yang 'byung bar 'gyur ro// de na nyan thos dang / rang sangs rgyas kyi ye shes pa'i gtam gyi
236b5 ming yang med de/ theg pa chen po'i mdo'i gtam rgyas par ston par 'gyur ro// bdud dang phyir rgol ba bcom pa'i sems can rnams 'byung bar 'gyur ro// dag cing bzod pa chen po'i rnyed pa thob pa dag 'byung bar
236b6 'gyur ro/ / sa bzhi yang nor bu rin po che thams cad las grub par 'gyur te/ 'dzam bu'i chu bo gser gyi me tog dang / pad ma thams cad kyis spras par 'gyur ro// de bzhin gshegs pa de yang tshe dpag tu med
236b7 par 'gyur ro/ / de bzhin du mi rnams kyi tshe yang tshad med par 'gyur ro// de bzhin gshegs pa de ni grong khyer gtsang ma yang ldan du bzhugs par 'gyur ro// bcom ldan 'das de'i smon lam gyi khyad par gyis nam 'ongs
236b8 p a'i sems can gyi tshogs mang po dag gis de bzhin gshegs pa de'i mtshan thos pa tsam gyis rang gi lus las shi 'phos ma thag tu 'jig rten gyi khams gtsang ma spyod pa der grong khyer gtsang ma bsung ldan du skye
iiif viewer powered by OpenSeadragon
Texts on this page
Q898 - 'phags pa sprin chen po zhes bya ba theg pa chen po'i mdo