| e-texts navigator |
| བོད་ཡིག |
236a1 nam 'ongs pa'i sems can bsod nams chung du thams cad kyi dad pa bskyed pa'i phyir mdo 'di las byang chub sems dpa' rnams lung bstan par byed do zhes ra smra'o/ / sprin chen snying po de'i tshe lha mo 'di bud med kyi
236a2 lus las bzlog nas de bzhin gshegs pa 'od dpag med kyi sangs rgyas kyi zhing 'jig rten gyi khams bde ba can du skye ba len par 'gyur te/ 'jig rten gyi khams der bde ba nyams su myong nas rim gyis sangs rgyas su 'gyur
236a3 ro/ / gsol pa/ bcom ldan 'das thabs la mkhas pa dang ldan pa'i lha mo 'di yun ji srid cig na sangs rgyas su 'gyur/ 'di'i ming yang ji skad ces bgyi bar 'gyur/ bcom ldan 'das de'i 'jig rten gyi khams ni ci 'dra bar
236a4 'gyur/ bka' stsal pa/ lha mo 'di ni bskal pa grangs med pa phrag lnga brgya 'das pa na stong gsum gyi stong chen po'i 'jig rten gyi khams 'dir bla na med pa yang dag par rdzogs pa'i byang chub mngon par 'tshang rgya bar 'gyur te/
236a5 de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/
236a6 sangs rgyas bcom ldan 'das gtsang zhing bden pa'i mtshams 'phel bar mdzad pa zhes bya bar 'gyur ro// 'jig rten gyi khams mi mjed 'di yang 'jig rten gyi khams gtsang ma sbyor ba zhes bya bar 'gyur ro// bskal pa
236a7 ni gtsang zhing bden pa'i mtshams shes bya bar 'gyur te/ 'jig rten gyi khams gtsang ma spyod pa de 'byor par 'gyur ro// rgyas par 'gyur/ bde ba dang / nyams dga' ba dang / lo legs pa dang / skye bo dang / mi mang pos gang bar
236a8 'gyur ro/ / 'byor cing rgyas par gyur pa de'i tshe 'dzam bu'i gling 'dir grong khyer gtsang ma bsung ldan zhes bya ba zhig 'byung bar 'gyur te/ grong khyer gtsang ma gsung ldan du mi bye ba/ brgya stong phrag dgu bcu rtsa brgyad 'byung
iiif viewer powered by OpenSeadragon
Texts on this page
Q898 - 'phags pa sprin chen po zhes bya ba theg pa chen po'i mdo