| e-texts navigator |
| བོད་ཡིག |
205b1 yongs su dag par 'gyur zhing so sor thar pa'i sdom pas bsdams pa la spyod pa dang / spyod yul phun sum tshogs pa dang / kha na ma tho ba phra rab tsam la yang 'jigs par lta bar 'gyur ro// dge slong ngam/ dge slong ma
205b2 'am/ dge bsnyen nam/ dge bsnyen ma gang dag nga'i nyan thos mchog tu dka' ba byed pa'i tshig la yid ches pa de dag thams cad kyang sprin chen snying po dang 'dra bar blta'o// mthong na dga' ba dri za'i rgyal po gzhan yang
205b3 skye bo dge bsnyen gang dag gis nga'i nyan thos kyi tshig thos nas dam pa'i chos kyi phyogs 'dzugs par byed pa'i sems can de dag kyang ngal byas pa gzo ba dang / nga la dben pa yin te/ dam pa'i chos kyi phyir rang gi
205b4 srog gi bsam pa yang btang / nor dang bcas pa dang / bu dang bcas pa dang / chung ma dang bcas pa dang / bu mo dang bcas pa'i sde phyogs rnams kyi srog gi bsam pa yang btang nas dmig ni dpung chen po'i g.yul du 'jug cing /
205b5 dmag gi dpung chen po'i g.yul zad par byed do// bdud kyi phyogs kyi stobs 'joms par byed do// bdud kyi stobs rnam par 'jig par byed do// ji lta bu'i thabs kyis kyang dam pa'i tshes 'dzugs par byed de/ nga'i dam pa'i chos kyi
205b6 mthu yang skyed par 'gyur ro/ / sems can chen po de dag gis ni rnyed pa legs par rnyed par 'gyur te/ de dag ni byang chub sems dpa' mi mchog yin par blta bar bya'o// dge slong ngam/ dge slong ma de dag ni sbyin gnas yongs su
205b7 dag par yang 'gyur ro/ / dge 'dun yongs su dag par yang 'gyur ro// dge bsnyen gyi sde tshan dang / dge snyen ma'i sde tshan de dag ni sangs rgyas 'byung ba dang phrad par 'gyur/ dam pa'i chos la yang nan tan du sgrub par 'gyur mod kyi//
205b8 'on kyang mthong na dga' ba dri za'i rgyal po nga'i nyan thos kyi tshig la yid ches pa'i sems can de dag ni nyung ste/ shin du phal cher ni mos par mi 'gyur ro// mthong na dga' ba dri za'i rgyal po rnam pa bzhi dag ldan na nga'i nyan thos de bzhin
iiif viewer powered by OpenSeadragon
Texts on this page
Q898 - 'phags pa sprin chen po zhes bya ba theg pa chen po'i mdo