| e-texts navigator |
| བོད་ཡིག |
204a1 rnams kyi nang du de bzhin gshegs pas gsungs pa'i mdo rnams kyi bsngags pa rjod cing / so sor thar pa'i sdom pas bsdams te/ mjug tu rang gi srog dang bsngos nas bslab pa'i gzhi bcas pa'i bsngags pa brjod par
204a2 'gyur ro/ / de'i 'og tu shing drung gi bsngags pa brjod par 'gyur ro// de bzhin du phyag dar khrod dang / dgon pa na gnas pa dang / 'dul ba'i bsngags pa rjod cing ma dul ba rnams char gcod par 'gyur ro// lha'i bu dag khyed kyis nga'i nyan
204a3 thos theg pa chen po la dad pa rnyed pa dang / dge slong 'dod cing byams pa la gnas pa de la kun du bsrung ba gyis shig/ lha'i bu rnams kyis gsol pa/ bcom ldan 'das bdag cag gis kyang dge slong 'dod cing byams pa la gnas pa de
204a4 la bsnyen bkur dang g.yog bgyis te kun du bsrung bar yang bgyi'o/ / bcom ldan 'das bdag cag gis kyang sangs rgyas kyi mthus bdud sdig can tshar gcod par bgyi'o// chos ma lags pa'i phyogs mu ge'i mgo byi gdul dka' ba
204a5 dmu rgod rnams yul nas bskrad par bgyi'o/ / bcom ldan 'das kyis bka' stsal pa/ lha'i bu dag legs so legs so// khyod kyis rkyen du bab par dam bcas shing smon lam btab ste/ dge slong 'dod pa'i skyes bu dam pa
204a6 de la ni lha rnams kyang srung ngo / / lha rnams kyang de'i bsngags pa brjod do// de bzhin gshegs pa nga'i nyan thos dka' ba byed pa yin no snyam du dgongs nas bsngags pa rjod par mdzad do// bcom ldan 'das kyis yang lha'i bu rnams
204a7 la 'di skad ces bka' stsal to/ / lha'i bu dag sems can gyi don 'dod pa'i rigs kyi bus ni dam pa'i chos kun tu bsrung bar bya'o// de nas lha'i bu mang po dag gis bcom ldan 'das la rin po che'i gdugs kyis mngon par babanas
204a8 'di skad ces gsol to/ / bcom ldan 'das yun ji srid cig na de bzhin gshegs pa'i sras 'od srung chen po dang 'dra ba'i dge slong 'byung bar 'gyur// gang du ni skye bar 'gyur/ de'i ming ni ji skad ces bgyi bar gzung bar 'tshal//
iiif viewer powered by OpenSeadragon
Texts on this page
Q898 - 'phags pa sprin chen po zhes bya ba theg pa chen po'i mdo