rKTs

e-texts navigator

Volume

Page

189b₁ nga tshul khrims yongs su dag par bya ba'i phyir khyim na gnas pa'i rgyal por yang 'gyur ro/ / chung ma dang / bu dang 'dra ba yang med par bu smad kyang ston la rtag tu tshangs par spyod pa dang / yang ldan zhing rtag tu dben pa na yang gnas
189b₂ te rgyan gyis klubs la mtshan kyang yongs su gcod do/ / de nas kha zas kyang za la rtag tu bsam gtan gyi zas kyi kyang 'tsho'o// ya mtshan can de dag gi nga rgyal dang / rgyags pa dang / dregs pa gzhom pa'i phyir ya mtshan can thams
189b₃ cad kyi nang du yang rab tu 'byung ste/ de thams cad du mkhan po'i thabs su bkur zhing ltas su lta ba thams cad nges par bsgral pa'i phyir bsam pa tshul gyis rtogs par 'gyur la/ lta ba la gnas par yang mi 'gyu ro// dud
189b₄ 'gro rnams nges par bsgral ba'i phyir dud 'gro'i skyes gnas thams cad du yang skye bar 'gyur te/ thams cad du yang mchog tu bkur bar 'gyur ro// smad 'tshong ma'i gnas kun du yang snang ste/ thams cad du yang bkur la
189b₅ smad 'tshong ma'i gnas thams cad du g.yon can gyi mchog tu 'gyur ro/ / 'dul ba'i sems can la phan par bya ba'i phyir bzhi mdo dang / sum mdo thams cad du yang snang ngo // 'dod pa'i nyes pa bstan pa'i phyir smad 'tshong ma'i
189b₆ gnas thams cad du yang 'jug go/ dran pa la yang dag par dgod pa'i phyir mi gsal ba dang / glen pa'i gnas thams cad du yang 'jug par byed do// sems can yan lag ma tshang pa thams cad skyo ba la dgod pa'i phyir
189b₇ yan lag thams cad du ma tshang bar yang ston par byed do/ / 'khor ba la skyob bskyed pa'i phyir khams bzhi dang ldan par yang byed do// le lo can dang / dran pa nyams pa rnams dang / rgyags pa dang / myos pa rnams dang //
189b₈ brtson 'grus dang / bsam gtan dang / skyo ba la dgod pa'i phyir nang bzhi brgya rtsa bzhi dang ldan par yang ston to// bzod pa la dgod pa'i phyir gnod sems can lta bur yang 'gyur ro// rtag pa'i 'du shes can gyi sems

_{iiif viewer powered by OpenSeadragon}

189a - 190a

Texts on this page