| e-texts navigator |
| བོད་ཡིག |
174a1 'das kyis bka' stsal pa/ sprin chen snying po sprin chen po'i mdo la srid par skye bas rab tu dga' ba'i rgyal ba zhes bya ba'i chos kyi sgo dang / srid par skye ba la 'dod cing blo gros dad pa zhes bya ba dang / srid par skye
174a2 bal sred pa zhes bya ba dang / srid par skye ba la brtsam pa med pa zhes bya ba dang / srid par skye ba la rab tu dad pa zhes bya ba dang / srid par skye bar smon pa la mkhas pa zhes bya ba dang / srid par skye ba'i bsngags parjod
174a3 pa zhes bya ba dang / srid par skye ba la dmigs pa'i rgyal po zhes bya ba dang / srid par skye ba la mkhas pa'i dbang phyug rgyal po zhes bya ba dang / srid par skye ba na mi dge ba'i phyogs kyi chos rnams kyi mgos
174a4 par gnas shing 'jug pa gsad pa'i bkod pa'i rgyal po zhes bya ba'i chos kyi sgo yod de/ bcu po de dag ni srid par skye bas rtse ba'i rnam pa 'jug cing gnas pa bgrod pa'i gsang ba bkod pa'i rgyal po zhes bya ba'i chos//
174a5 kyi sgo yin no// de nas de'i tshe lha mo rgya cher dga' ba zhes bya bas bcom ldan 'das la mchod pa'i las byas nas/ tshigs su bcad pa 'di dag smras so// ma skyes khyod la phyag 'tshal lo// de bzhin gshegs pa
174a6 thabs kyi sku/ / srid par skye ba sna tshogs pa// dri med thams cad thub pas bstan// dpa' bo chen po rtag pa'i sku// srid skye'i rigs de rgya mtsho mnga'// gos pa med pa'i de bzhin gshegs// 'khor ba dag ni dag par
174a7 bzhed/ / srid par skye ba'i gleng gzhi'i le'u zhes bya ste lnga pa'o// sprin chen snying pos gsol ba/ 'khor ba'i nyon mongs pa'i zhing gi las kyis thob par bgyi ba'i skad du/ sems kyis yang dag par
174a8 len pa'i rnam par grol ba'i smon lam gsang ba'i chos kyi sgo bcu bcom ldan 'das kyis rgyas par bshad du gsol/ / de bzhin gshegs pas bshad du gsol// bcom ldan 'das kyis bka' stsal pa/
iiif viewer powered by OpenSeadragon
Texts on this page
Q898 - 'phags pa sprin chen po zhes bya ba theg pa chen po'i mdo