rKTs

e-texts navigator

Volume

Page

170b₁ mug dang / 'jigs pa'i chos kyi phyogs thams cad la 'jug pa yang dag par mthong bar yang 'gyur ro// sangs rgyas thams cad yun ring po bskal pa bye ba bgrangs pa mang po nas rgal nas nyon mongs pa'i rgya mtsho las grol bar mdzad/
170b₂ pa'i gsang ba thams cad kyi de kho na mthong bar yang 'gyur ro// sangs rgyas thams cad kyi sems can 'dul ba'i dbang gis nyon mongs pa'i rgya mtshor skye ba bstan te/ rgal nas bskal bar bya'o// grol nas dgrol bar bya'o snyam
170b₃ nas bstan pa'i gsang ba'i khyad par gyi sgo'i rang bzhin dag mthong bar yang 'gyur ro/ / sangs rgyas thams cad kyi yun ring po bskal pa bye ba bgrangs pa mang po 'das pa nas bdud bye ba rab tu bcom pa'i rnam pa gsang ba'i de
170b₄ kho na mthong bar yang 'gyur ro/ / sangs rgyas thams cad kyi sems can 'dul ba'i dbang gis byang chub kyi shing du bdud 'dul ba'i gsang ba'i khyad par gyi sgo'i rang bzhin ston pa lta bur bcos pa legs par mthong bar yang 'gyur ro//
170b₅ thabs kyis chos kyi 'khor lo bskor ba dang / thabs kyis yongs su mya ngan las 'das pa lta bur bcos pa'i de kho na mthong bar yang 'gyur ro// sangs rgyas thams cad rol pa'i gsang ba'i rgyal po'i mchog tu yang 'gyur ro// sangs rgyas
170b₆ thams cad kyi yul bsam gyis mi khyab pa/ mtshungs pa med pa/ dpe' med pa/ grangs med pa/ dpag tu med pa/ bgrang ba las 'das pa la bgrang ba'i rgyal por yang 'gyur ro// sprin chen snying po bsam gyis mi khyab par 'gro bar
170b₇ 'jug pa la gnas pa'i rnam par 'phrul pa'i rgyal po zhes bya ba'i ting nge 'dzin gang yin pa'i ting nge 'dzin de dang ldan pa'i byang chub sems dpa' sems dpa' chen po rnams ni ting nge 'dzin gyi rgya mtshor yang 'gyur ro/ / ting nge 'dzin yang dag par sogs par
170b₈ yang 'gyur ro/ / thos pa'i rgya mtshor yang 'gyur ro// thos pa yang dag par sogs par yang 'gyur ro// bla na med pa yang dag par rdzogs pa'i byang chub la som nyi za zhing yid gnyis med de/ the tsom za bar yang mi 'gyur ro// mi kham

_{iiif viewer powered by OpenSeadragon}

170a - 171a

Texts on this page