rKTs

e-texts navigator

Volume

Page

156a₁ gdug pa rnam pa sna tshogs kyis gos par mi 'gyur ba'i phyir bar snang lta bur yang 'gyur ro/ / sems nam mkha' dang mtshungs pa'i phyir mi gnas par yang 'gyur ro// de bzhin gshegs pa rdo rjes su rab tu byung ste// tshul
156a₂ khrims dang / stobs dang / ye shes dang ldan pa'i phyir kha ba'i phung po lta bu'i nyon mongs sel ba'i nyi ma lta bur yang 'gyur ro// legs par smras pa yang dag par blang ba'i phyir gzhan gyi dring mi 'jog par yang 'gyur ro// ye shes
156a₃ rgya mtsho dang ldan pa'i phyir rgya mtsho dug can lta bur yang 'gyur ro/ / dkar po'i chos yongs su rdzogs par bya ba'i phyir zla ba lta bur yang 'gyur ro// gti mug gi mun pa sel ba'i phyir nyi ma lta bur yang 'gyur ro// nyon mongs pas 'khor
156a₄ ba la mngon par 'jug cing 'gro ba'i tshe bar snang lta bur yang 'gyur ro/ / de dang de mngon par rtogs pas pad ma lta bur gos pa med par yang 'gyur ro// sems nam mkha' dang mtshungs pa'i phyir mi gnas par yang 'gyur ro// chos
156a₅ thams cad la nges par 'bigs pa'i phyir rdo rje lta bur yang 'gyur ro/ / de bzhin gshegs pa'i yon tan gyi che ba nyid rtag pa dang / ther zug pa dang / brtan pa thos na mi g.yo ba'i phyir ri lta bur yang 'gyur ro// de bzhin gshegs
156a₆ pa'i rigs dang rgyud la ye shes rnam par dag pa'i phyir bai dUr+ya lta bur yang 'gyur ro/ / nyon mongs pa'i rnyog pa sel ba'i phyir rgya mtsho dug can pa'i gser gyi pha bong lta bur yang 'gyur ro// de bzhin gshegs pa'i rtag pa dang / ther zug
156a₇ ba dang / brtan pa'i rang bzhin mthong ba'i phyir zla ba lta bur yang 'gyur ro// de bzhin gshegs pa'i chos las mi g.yo ba'i phyir ji lta bur yang 'gyur ro// de bzhin gshegs pa gtan du mya ngan las mi 'da' zhing chos nub par
156a₈ mi 'gyur ba thos nas mi g.yo ba'i phyir sgo'i them pa lta bur yang 'gyur ro/ / yang dag pa mthong ba'i phyir sems brtan zhing gnas par yang 'gyur ro// sems mi phyed pa'i phyir rdo rje lta bur yang 'gyur ro// mngon sum du yon

_{iiif viewer powered by OpenSeadragon}

155b - 156b

Texts on this page