| e-texts navigator |
| བོད་ཡིག |
120b1 zhe na rigs kyi bu dag 'di lta ste/ de bzhin gshegs pa'i chos kyi tshul bzung ba'i 'di na dka' ba'o// rigs kyi bu dag chos smra ba des kyang chos kyi rnam grangs 'di bshad pa dang / bstan pa dang / yang dag par ston pa'i tshe
120b2 'jigs pa'i med par bya'o/ / bzhum pa dang / su ma god pa dang / zhem 'gras pa'i sems dang / gos gtsang ma bgos te dang ba bskyed par bya'o// bdag gi bsngags pa brjod kyang mi stebs pa dang / nga rgyal du mi gzung bar bya
120b3 ste/ bdag mi bstod/ gzhan mi smod cing / des zang zing med pa'i sems kyis ri mor byas te chos bstan par bya'o// de nas bcom ldan 'das la lha'i dbang po brgya byin gyis 'di skad ces gsol to// bcom ldan 'das
120b4 dog sa'i phyogs gang du chos kyi rnam grangs 'di bshad pa'am/ bstan par 'gyur ba'i sa phyogs der chos kyi rnam grangs 'di mnyan pa dang / chos smra ba de la sman par bgyi ba'i slad du bdag cag dpung dang bcas
120b5 'khor dang bcas te mchi'o/ / bcom ldan 'das kyis bka' stsal pa kau shi ka legs so legs so// khyod kyis de ltar gyis shig/ kau shi ka khyod kyis de bzhin gshegs pa'i chos nyid yongs su bsrung bar bya'o// de nas
120b6 bcom ldan 'das la byang chub sems dpa' sgrib pa thams cad rnam par sel bas gsol pa/ bcom ldan 'das chos kyi rnam grangs 'di ming ci zhes bgyi/ 'di ji ltar bzung bar bgyi/ bcom ldan 'das kyis bka' stsal pa
120b7 rigs kyi bu de'i phyir khyod kyis chos kyi rnam grangs 'di dkon mchog sprin ces bya bar zung shig/ yon tan rin po che'i 'byung gnas kyi le'u zhes bya bar yang zung shig/ ye shes sgron ma zhes bya bar yang zung shig/ sgrub
120b8 thams cad rnam par sel bas kun dris pa zhes bya bar yang zung shig/ bcom ldan 'das kyis de skad ces bka' stsal pa dang / byang chub sems dpa' sgrib pa thams cad rnam par sel ba yid dga' zhing / byang
iiif viewer powered by OpenSeadragon
Texts on this page
Q897 - 'phags pa dkon mchog sprin zhes bya ba theg pa chen po'i mdo