| e-texts navigator |
| བོད་ཡིག |
95b1 rnams kun du gsal/ / mar me chen pos skyes mchog thub pa yi// mchod rten gsal byas rnam dag mig gis ni// byang chub rdul bral zag pa med thob nas// de phyogs kun du mar me bzhin du gsal// bde gshegs
95b2 mchod rten mar me phul bas na/ / rnam grol blo mda' stobs bcu rnams ldan zhing // de bzhin ma 'dres chos kyi pha rol byon// kun nas spyan ldan bde bar gshegs par 'gyur// phyogs rnams dag na 'brang byas 'jig
95b3 rten khams/ / gang dag ji snyed yod pa ma lus pa// mar me lta bur me yi rgyu yis ni// ma lus bdag rtag tu snang byas 'gyur// bdag nyid che la mar me phul ba las// mthu 'byung gang yin de ni de yin no// mar me 'dra ba
95b4 dag la sems can kun/ / lhag byas gal te mthu chen don dam mthong // rang rgyal rnams su gyur la de mchod phyir// gcig 'gas mar me 'bar bar byas gyur la// mar me snying po ri rab tsam byas shing // de yis
95b5 'jig rten ma lus snang byas la/ / rnam pa de 'dras mtha' yas phyogs kun du// gal te mar me 'bul bar byed gyur la// rang rgyal byang chub tu ni smon sems kyis// bskal pa brgya phrag mtha' yas 'bar byed
95b6 pas/ gang zhig byang chub phyir ni smon sems kyis// mchod rten mchog la rnams gsal byed na// de bas de mchog 'bras bu ches che zhes// don dam gzigs pa sangs rgyas rnams gsung ngo // phyogs bcu'i skye bo
95b7 gang dag dpag med pa/ / rang sangs rgyas nyid mngon par 'dod pa'i phyir// re res de bzhin mar me rnams pal zhing // bskal pa grangs med de dga' bar byed la// 'jig rten ched du bde gshegs nyid 'dod cing // gang
95b8 zhig 'jig rten dam pa'i mchod rten la/ / mar me 'bul lam lan cig phyag 'tshal na// de bas 'di'i bsod 'bras bu khyad par 'phags// sangs rgyas spyod yul mthong dka' bsam ma khyab//
iiif viewer powered by OpenSeadragon
Texts on this page
Q870 - 'phags pa mar me 'bul ba zhes bya ba theg pa chen po'i mdo