| e-texts navigator |
| བོད་ཡིག |
95a1 chos la phan ning sems la gsal gyur cing // lha stong bye ba lha mo rnams bcas pas// de ni bdag gi yin zhes dga' bar byed// lha yi bu mo yad 'ong brgyan pa rnams// bskyed mo tshal bzhir de ni ji byed 'dun
95a2 yid du 'ong ba'i spos dang kun nas ldang / / glu dbyangs snyan pa'i sgra yang thos par 'gyur// bsngags pa'i lha ga las gar 'gro ba// de dang der ni gzugs bzang rnams kyang mthong // mi sdug gzugs ngan rnams kyang mi
95a3 mthong ste/ / rgyal ba'i mchod rten mar ma phul bas 'gyur// de nas shi 'phos mi yi srid pa 'dir// dran dang ldan bzhin ma yi mngal na gnas// btsas nas gang nas shi 'phos tshe rabs dran// 'phags pa'i ye shes
95a4 stobs las nyams mi 'gyur/ / bde gshegs mchod rten mar me phul byas pas// de yis las byas pa ni de nyid kyis// 'khor los sgyur ba mi bdag stobs chen ldan// yid 'od gzugs bzang blta na dga' bar 'gyur
95a5 de yi las byas pa des tshe ring 'gyur/ / gcig tu dag pa nyid kyi bde dang ldan// de yis lus ni nad kyis nyon mi mongs// mar me phul ba'i rnam smin de yin no// bde bar gshegs la mar mes mchod byas pas// rkun
95a6 po'i gnod med rgyal po'i chad pa med/ / gshed ma med cing chung ma byi mo med// de ni las kyi nams kyang gtse mi 'gyur// bde zhing lo legs gang du'ang 'jigs pa med// rtag tu 'byor cing legs 'byor nor 'bru ldan//
95a7 de yi skyed mos tshal mchog phreng ba dang // tshal dang shing phran lo ma sna tshogs brgyan// de yis 'jig rten gtso bo sangs rgyas mthong // mthong nas kyang ni mchog tu dga' 'gyur te// de dag rnams la gus par de mchod byed//
95a8 rgyal srid spangs nas dge slong nyid la rten// bsngags pa mtha' yas gzigs pa mtha' yas shing // mtha' yas blo ldan bde gshegs mchod rten la// mang me phul bas mtha' yas blo ldan 'gyur// mar me bzhin du phyogs
iiif viewer powered by OpenSeadragon
Texts on this page
Q870 - 'phags pa mar me 'bul ba zhes bya ba theg pa chen po'i mdo