rKTs

e-texts navigator

Volume

Page

107b₁ so/ shA ri'i bus gsol pa/ gang thos nas 'khor thams cad the tsom ma mchis par 'gyur ba'i tshig bshad pa de dag bcom ldan 'das kyis bka' stsal du gsol/ bcom ldan 'das kyis bka' stsal pa/ shA ri'i bu gang gis
107b₂ de bzhin gshegs pa rmi lam dang mtshungs/ sgyu ma dang mtshungs par mthong ba des yang dag pa mthong ngo // gang yang dag pa mthong ba de dag de bzhin gshegs pa la yang dag par 'du shes mi byed/ snying por 'du shes dang / rjes
107b₃ su 'du shes dang / dngos por 'du shes dang / ril por 'du shes mi byed/ gang de bzhin gshegs pa la yang dag par 'du shes pa ma yin/ snying po dang / rdzas dang / dngos po dang / ril por 'du shes pa ma yin pa de dag
107b₄ gis 'du byed thams cad brdzun par mthong ngo / / gang gis 'du byed thams cad brdzun par mthong ba de dag gis chos thams cad log par shes so// gang gis chos thams cad log par shes pa de dag thams cad de
107b₅ bzhin gshegs pas log par lta ba yongs su rdzogs pa yin par bstan to/ / de dag gis lta bar gyur pa thams cad log pa yin par shes te/ de'i phyir yang de dag log par lta ba zhes bya'o// shA ri'i bu rnam grangs
107b₆ nges gang de bzhin gshegs pa lta bar 'dod pa de dag log par lta ba zhes bya'o/ / shA ri'i bu de dag ni de bzhin gshegs pa'i sku ma 'khrugs par lta ba'o// gang de bzhin gshegs pa'i sku log pa yin par rtog pa/
107b₇ de dag ni de bzhin gshegs pa'i 'du shes med pa'o// shA ri'i bu gang 'di ltar log par shes pa de ni de bzhin gshegs pa mthong ba'o// gsol pa/ bcom ldan 'das ji ltar na/ gang log par lta ba de dag yang dag
107b₈ par zhugs pa lags/ bcom ldan 'das kyis bka' stsal pa/ shA ri'i bu gang so so'i skye bo rnams rtog pa dang / rnam par rtog pa dang / dpyod pa dang / rnam par dpyod pa dang / ldang bar byed pa dang / kun du ldang bar byed

_{iiif viewer powered by OpenSeadragon}

107a - 108a

Texts on this page