| e-texts navigator |
| བོད་ཡིག |
302a1 do// theg pa chen po'i bsngags pa brjod do// sems can bslab pa'i gzhi lnga la bkod pa gang yin pa'i sems can de dag gi nang nas lo brgyad khri bzhi stong pa gzhan 'ganas srog chags bye ba phrag sum tsun gang dag sngon gyi
302a2 sangs rgyas rnams la dge ba'i rtsa ba bskyed pa rgya chen po la mos pa de dag bla na med pa yang dag par rdzogs pa'i byang chub la btsud do/ / lhag ma dman pa la mos pa rkyen gyi mthu dang ldan pa de dag ni rang sangs rgyas kyi byang chub dang /
302a3 nyan thos kyi theg pa la sems bskyed du bcug go/ rigs kyi bu 'di ltar dge slong blo gros brtan po de 'di snyam du sems te bdag gis sems can 'di dag theg pa gsum po la mos par byas zin gyis/ bdag gis sems can 'di dag
302a4 bag yod par gnas par bya ba'i phyir ting nge 'dzin la gzung ba bstan to snyam mo/ / rigs kyi bu de ltar dge slong blo gros brtan po des yang lo nyi khri chig stong gi bar du srog chags bye ba khrag khrig 'bum phrag sum bcu rtsa drug po de dag la
302a5 ting nge 'dzin la dmigs pa'i lung phog go/ rigs kyi bu dge slong blo gros brtan po des srog chags bye ba khrag khrig 'bum phrag sum bcu rtsa drug po'i sems can de dag thams cad ci nas byams pa'i ting nge 'dzin sgrub par
302a6 'gyur ba de lta de lta bur gdams ngag bstan cing / de lta de lta bur rjes su ston to// rigs kyi bu 'di ltar dge slong blo gros brtan po de gang gi tshe grong du 'gro ba de'i tshe byams pa'i ting nge 'dzin la snyoms par zhugs te 'gro'o// de
302a7 byams pa'i ting nge 'dzin la snyoms par zhugs nas grong ngam/ grong khyer ram/ grong rdal lam// yul 'khor ram/ tshod dus su bsod snyoms kyi phyir 'gro ste/ de 'gro ba na sems can byams pa la gnas pa gang yin pa de
302a8 dag thams cad dge slong blo gros brtan po de'i rkang pa sgo'i them pa la bzhag pa'i tshe byams pa'i ting nge 'dzin la snyoms par zhugs par gyur to/ / rigs kyi bu lhag pa'i bsam pa dang / dge ba'i rtsa ba la yid ches pa dang / stong pa
iiif viewer powered by OpenSeadragon
Texts on this page
Q865 - 'phags pa byams pa 'jug pa zhes bya ba theg pa chen po'i mdo