| e-texts navigator |
| བོད་ཡིག |
253b1 gnas pa de kun rab stsol ba/ / de bzhin gshegs pa bdud kyi tshir ma dkrugs// bstod 'os rnams kyis bstod pa gang zag mchog/ rang 'byung dbang ldan med bral bstod par brtsi// bdag gis phyogs bcu bskas na de dag tu// sdig med
253b2 sangs rgyas brgya phrag bsam yas mthong / / shAkya seng ge ji lta de lta bur// phyogs bcu'i sangs rgyas de dag bdag lung ston// rgyal ba thams cad chos nyid sangs rgyas gcig/ de bzhin chos kyang de bzhin nyid kyis gcig/ sems
253b3 can rnams kyang yang dag mthar nges pas/ / gang la bzod 'di mchis pa rgyal bar 'gyur// de nas byang chub sems dpa' zla mchog gis tshigs su bcad pa de dag smras nas par snang de las babs te/ bcom ldan 'das kyi zhabs
253b4 gnyis la rab tu gtugs so/ / des rab tu gtugs ma thag tu sangs rgyas 'bum phrag mang po dag kyang snang bar gyur to// sangs rgyas bcom ldan 'das de dag gis kyang de bla na med pa yang dag par rdzogs pa'i byang chub tu lung bstan
253b5 to/ / des sangs rgyas bcom ldan 'das de dag mngon sum du mthong zhing bdag nyid lang bstan pa yang thos nas dga' zhing mgu la yid rangs te/ rab tu dga' zhing dga' ba dang / yid bde ba skyes nas bcom ldan 'das kyi spyan sngar
253b6 rab tu byung bar gsol ba btab po/ / bcom ldan 'das kyis bdag legs par gsungs pa'i chos 'dul ba la rab tu byung bar gsol/ bcom ldan 'das kyis bka' stsal pa/ khye'u de'i phyir pha ma dag gnang bar byed du chud cig/
253b7 de nas bye'u pha ma dag gis cho 'phrul chen po de mthong zhing de mngon sum du lung bstan pa yang thos nas 'di skad ces gsol to// bcom ldan 'das bdag cag gis khye'u 'di rab tu 'byung bar gnang lags so// bdag cag gis kyang
253b8 chos de dag slad kyis thob par bgyi lags so/ / zhes gsol pa dang / bcom ldan 'das kyis khye'u de rab tu byung ba // de nas khye'u de rab tu byung ba dang / srog chags khris kyang bla na med pa yang dag par rdzogs pa'i byang chub tu sems bskyed
iiif viewer powered by OpenSeadragon
Texts on this page
Q858 - 'phags pa bu mo zla mchog lung bstan pa zhes bya ba theg pa chen po'i mdo