rKTs

e-texts navigator

Volume

Page

9a₁ thams cad dang thun mong ba yang ma yin na/ gzhan sems can thams cad lha mos kyang ci dgos pa'i thun mong ma yin pa nyid kyang rab tu shes so// de de ltar chos rnams la chos kyi rjes su lta zhing
9a₂ dran pa legs par nye bar gnas pa sdig pa'i chos thams cad dang ni bral/ / dge ba'i chos ni yang dag par thob/ lus kyi gnod pa ni med/ rnam par shes pas 'phangs pa ni med/ sems kyis 'phangs pa ni med la/
9a₃ chos rnams kyi rgyu'i tshogs dang 'bras bu yang dag pa ji lta ba bzhin du rab tu shes pas dper na rgya mtsho'i rlabs bzhin du dge ba'i chos rnams kyis rnam par 'phel te ji ltar rgya mtsho'i rlabs 'bri zhing yang 'byung ba ltar
9a₄ byang chub sems dpa' ni chos rnams las de lta ma yin no/ / de dper na zla ba yar gyi ngo'i zla ba'i dkyil 'khor dang 'dra bar dge ba'i chos rnams kyis mngon par 'phel te/ ji ltar mar gyi ngo la zla ba'i dkyil 'khor 'bri/
9a₅ ba'i chos can yin pa ltar/ byang chub sems dpa' ni chos rnams las de lta ma yin no// dper na dbyar gyi dus kyi phu chu thub pa ltar dge ba'i chos rnams kyis mngon par 'phel te/ ji ltar phu chu thub pa dbyar gyis dus zad
9a₆ na 'bri ba'i chos can yin pa ltar/ byang chub sems dpa' ni chos rnams las de lta ma yin no// tshangs pa de ltar bslabs pa'i byang chub sems dpa' ni myur du bla na med pa yang dag par rdzogs pa'i byang chub mngon par rdzos
9a₇ par 'tshang rgya'o/ / de'i tshe bcom ldan 'das kyis tshigs su bcad pa dag bka' stsal to// lus kyi skyon rnams rab shes na// lus yid sngon rnams mi sten to// lus la dran pa legs gnas na// skyon me zhi ba'i
9a₈ gnas 'thob po/ / lus kyi skyon rnams mi shes na// lus la yod pa'i skyon mi rtogs// lus la dran pa mi gnas na// sdug bsngal bzod dka' gnas 'thob bo// sems kyi skyon rnams rab shes na// sems yod skyon

_{iiif viewer powered by OpenSeadragon}

8b - 9b

Texts on this page