rKTs

e-texts navigator

Volume

Page

7a₁ mar mi 'dzin cing mngon rtags su mi 'dzin pa yin no/ / gzugs dang / sgra dang / dri dang / ro dang / reg pa sna tshogs pa dag la yang mtshan mar mi 'dzin cing mngon rtags su mi 'dzin pa yin no// skyes pa dang /
7a₂ bud med dang / khye'u dang / bu mo rnams la yang mtshan mar mi 'dzin cing mngon rtags su mi 'dzin pa yin no// de gcig pu dben par 'dug nas nang du yang dag par 'jog cing sems gnas par bya ba'i phyir nan tan byed de/ mi
7a₃ sdug pa la dmigs pa 'am/ byams pa la dmigs pa'am/ snying rje la dmigs pa 'am/ yid 'byung bar 'gyur ba gang yang rung bas ji ltar lus khengs par mi 'gyur ba de ltar dmigs par byed de/ dbugs rngub pa dang 'byung ba mi
7a₄ 'gag go/ / rgyun rnams kyang mi 'chad do// rlung 'khrug par mi 'gyur ro// sems log par rnam par g.yeng bar mi 'gyur ro// de 'chag gam/ nyal lam/ 'greng ngam/ 'dug kyang dmigs pa de nyid kyis 'dug go/ de nyid la
7a₅ sems gtang ngo / / tshangs pa gang gi tshe byang chub sems dpa' dmigs pa la sems brtan par gyur pa de'i tshe sems la sems mnyam par 'jog ste/ sems kyis sems kyang mi dmigs so// gang gis mnyam par
7a₆ 'jog pa de yang mi dmigs so/ / gang gi phyir mnyam par 'jog pa de yang mi dmigs so// de 'di snyam du sems ste/ kye ma byis pa so so'i skye bo 'di dag ni gsog gi chos rnams dang / gsob kyi chos rnams la mngon par
7a₇ zhen to snyam du sems te/ 'di ni byang chub sems dpa' lhag mthong zhes bya'o// de ltar rnam par mthong bas nyon mongs pa rnams kun tu mi 'byung zhing mi 'jug pa de ni byang chub sems dpa' zhi gnas shes bya'o// tshangs
7a₈ p a gzhan yang byang chub sems dpa' gcig pu dben par 'dug ste nang du yang dag bzhag nas ming dang yi ge ji ltar thos pa rnams nges pa'i tshig gi gdags pas yang dag par 'jog cing yi ge de dag la nye bar rtog

_{iiif viewer powered by OpenSeadragon}

6b - 7b

Texts on this page