| e-texts navigator |
| བོད་ཡིག |
28b1 khyad par sems dang / byang chub sems dpa' stong phrag bcu gnyis po de dag lhan cig tu bcom ldan 'das ga la ba der dong nas phyin pa dang / bcom ldan 'das kyi zhabs la mgo bos phyag 'tshal te lan gsum bskor ba byas
28b2 nas/ bcom ldan 'das ga la ba de logs su thal mo sbyar ba btud nas bcom ldan 'das la tshigs su bcad pa 'di dag gis rnam pa mang pos mngon par bstod do// rnam par sgra bsgrags srid pa gsum du grags//
28b3 bsngags pa'i phreng ba 'jig rten kun tu rgyu// bdag gis sems can mchog rnams zhing na mthong // de dag kun kyang byed kyi yon tan gsung // 'di ni yongs su dag pa'i zhing mchis te// dri ma ma mchis ngan song gsum
28b4 spangs pa/ / de 'dra'i zhing rnams de dag rnam spangs nas// khyed kyi thugs rjes ngan pa yongs su bzung // 'jig rten mgon khyod ye shes dman ma mchis// ma lus bde bar gshegs dang khyod du mtshungs// shin tu rnam
28b5 dag bsam pa mngon mdzad pa/ / 'di 'dra ba yi zhing 'di khyod kyis bzung // tshul khrims thams cad rnam dag 'dod spangs nas// gang zhig bskal par gzhan na spyod pa pas// su dag byams pa'i sems kyis shin tu
28b6 'dir/ / skad cig spyod na'ang 'dir ni khyad par 'phags// lus dang ngag dang 'on te yid kyis kyang // gang la nyes bgyis rnam pa gsum mchis te// ngan song gsum du myong bar gang 'gyur ba// de ni tshe 'di nyid la 'byang bar
28b7 'gyur/ / byang chub sems dpa' 'di na gang mchis pa// de dag rtag tu gdung bar mi bgyi ste// de yi las gang log lhung mchi ba yang // de dag 'dir ni glang pa na bas 'byung // 'di na byang chub sems dpa' skyo med gang // dam pa'i
28b8 chos srung chos mchog 'dzin pa rnams/ / de dag 'di las phyin chad nam du yang // dran pa mi 'khrug blo yang nyams mi 'gyur// gang zhig bdud kyi bcings pa bcad pa dang // de bzhin nyon mongs las bcas spyod 'tshal ba// de ni
iiif viewer powered by OpenSeadragon
Texts on this page
Q827 - 'phags pa tshangs pa khyad par sems kyis zhus pa zhes bya ba theg pa chen po'i mdo