| e-texts navigator |
| བོད་ཡིག |
27b1 dang / sangs rgyas kyi zhing snyigs ma lnga can na de bzhin gshegs pa mthong ba la ngo mtshar du 'du shes pa ste/ tshangs pa lhag pa'i bsam pa bcu po de dag gis sangs rgyas kyi zhing der gnas par bya'o// de nas bcom ldan
27b2 'das la tshangs pa khyad par sems kyis 'di skad ces gsol to/ / bcom ldan 'das kyi spyan sngar bdag seng ge'i sgra mi sgrog ste/ 'on kyang bdag gi spyod pa gang lags pa'i spyod pa 'di la bcom ldan 'das nyid mngon
27b3 sum du gyur pas bcom ldan 'das bdag gis lhag pa'i bsam pa de dag kyang rnam par sbyang zhing mnyam par gzhag pa'i bye brag gis kyang sangs rgyas kyi ning der gnas par bgyi'o/ / de nas bcom ldan 'das de bzhin
27b4 gshegs pa zla 'od kyi sangs rgyas kyi zhing de'i byang chub sems dpa' gzhan dag gis kyang bcom ldan 'das la 'di skad ces gsol to/ / bcom ldan 'das de ltar sems can ma rungs pa rnams tshogs pa'i sangs rgyas
27b5 kyi zhing der bdag cag ma skyes pa ni rnyed pa legs par rnyed do/ / bcom ldan 'das des 'di skad ces bka' stsal to// rigs kyi bu khyed rnams de skad ma 'dzer cig/ de ci'i phyir zhe na/ rigs kyi bu dag sangs rgyas kyi zhing
27b6 'di na gang bskal pa brgya stong du tshangs par spyod pa la gnas pa bas mi mjed kyi 'jig rten gyi khams na gang snga dro'i dus gcig sems zhe sdang med par gnas na de bas 'di shin tu mchog go/ / de ci'i phyir zhe na/
27b7 'jig rten gyi khams de ni de tsam du kun nas nyon mongs par gyur pa ste/ sems can de dag kyang de tsam du gtse ba mang zhing kun nas nyon mongs pa med pa yin no// de nas sangs rgyas kyi zhing de nas byang chub sems
27b8 dpa' stong phrag bcu gnyis tshangs pa khyad par sems dang lhan cig tu chas te/ tshangs pa bdag cag kyang mi mjed kyi 'jig rten gyi khams der mchi'o// bsam pa 'di dag kyang rnam par sbyong ngo // bcom ldan 'das shA
iiif viewer powered by OpenSeadragon
Texts on this page
Q827 - 'phags pa tshangs pa khyad par sems kyis zhus pa zhes bya ba theg pa chen po'i mdo