| e-texts navigator |
| བོད་ཡིག |
26b1 gi ming thos nas dad pa rnyed par 'gyur ba de dag thams cad yang dag par rdzogs pa'i sangs rgyas kyi 'od zer 'di lta bus rab tu snang bar bgyid pa'i mthu dang ldan par 'gyur ro/ / yang bcom ldan 'das de bzhin gshegs pas
26b2 'od zer gang gis sangs rgyas kyi zhing gzhan gyi byang chub sems dpa' rnams bskul ma thag tu mi mjed kyi 'jig rten gyi khams 'dir mchi bar 'gyur ba dang / byang chub sems dpa' su dag 'dri ba dang / lung bstan pa dang
26b3 bshad pa la mthar phyin pa rnams mchis nas de bzhin gshegs pa la kun zhu zhing bsnyen bkur bgyid pa dang / slar zhu bar 'gyur ba'i 'od zer byang chub sems dpa' skul ba zhes bgyi ba gtang du gsol// de nas bcom ldan
26b4 'das kyis de'i tshe 'od gang gis 'jig rten gyi khams mtha' yas mu med pa snang bar 'gyur ba'i 'od de lta bu spu las phyung ste/ byang chub sems dpa' rnams 'od des bskul ma thag tu mi 'jed kyi 'jig rten gyi khams 'dir phyin
26b5 par gyur to/ / de nas sangs rgyas kyi zhing 'di nas shar phyogs su sangs rgyas kyi zhing brgya stong phrag gang gA'i klung bdun bcu rtsa gnyis kyi bye ma snyed 'das pa na yongs su dag pa zhes bya ba'i 'jig rten gyi khams yod de/ de nan
26b6 ba'i 'od ces bya ba de bzhin gshegs pa dgra bcom pa yang dag par rdzogs pa'i sangs rgyas da ltar bzhugs la 'tsho zhing gzhes te/ byang chub sems dpa' 'ba' zhig la chos kyang 'chang ba'i sangs rgyas kyi zhing de nas
26b7 phyir mi ldog pa'i byang chub sems dpa' chen po tshangs pa khyad par sems zhes bya ba de 'od des bskul ma thag tu bcom ldan 'das de bzhin gshegs pa zla ba'i 'od ga la ba der song ste phyin pa dang / bcom ldan 'das
26b8 de'i zhabs la mgo bos phyag 'tshal nas bcom ldan 'das de la 'di skad ces gsol to/ / bcom ldan 'das 'jig rten du snang ba chen po 'di byung ba'i rgyu gang lags chen gang lags/ bcom ldan 'das des 'di skad ces
iiif viewer powered by OpenSeadragon
Texts on this page
Q827 - 'phags pa tshangs pa khyad par sems kyis zhus pa zhes bya ba theg pa chen po'i mdo