| e-texts navigator |
| བོད་ཡིག |
25b1 skye gnas su song ba'i sems can rnams gcig la gcig mi za bar byed do/ / 'od zer rab tu sim par byed pa zhes bya ba des ni gshin rje'i 'jig rten pa'i sems can rnams kyi gshin rje'i 'jig rten gyi sdug
25b2 bsngal med par byed do/ / dri ma med pa zhes bya ba'i 'od zer des ni sems can ldongs pa rnams mig thob par 'gyur ro// rna ba'i rjes su 'thun pa zhes bya ba'i 'od zer des ni sems can 'on pa rnams rna ba thob par 'gyur ro/
25b3 rnam par spong ba zhes bya ba'i 'od zer des ni sems can mi dge ba bcu'i las kyi lam la gnas pa rnams dge ba bcu'i las kyi lam thob par 'gyur ro// ngo tsha shes pa zhes bya ba'i 'od zer des ni sems can myas
25b4 pa rnams dran pa thob par 'gyur ro/ / med par 'gyur ba zhes bya ba'i 'od zer des ni sems can log par lbu ba can rnams yang dag par lta ba thob par 'gyur ro// rab tu gtong ba zhes bya ba'i 'od zer des ni sems
25b5 can ser sna can rnams gtong ba thob par 'gyur ro/ / yongs su gdung ba med pa zhes bya ba'i 'od zer des ni sems can ngan pa'i ngang tshul can rnams tshul khrims thob par 'gyur ro// phan pa dang ldan pa zhes bya ba'i 'od
25b6 zer des ni sems can gnod par sems pa rnams bzod pa dang nges pa thob par 'gyur ro/ / 'bar ba can zhes bya ba'i 'od zer des ni sems can le lo can rnams brtson 'grus thob par 'gyur ro// rtse gcig pa zhes
25b7 bya ba'i 'od zer des ni sems can dran pa nyams pa rnams bsam gtan thob par 'gyur ro/ / ye shes zhes bya ba'i 'od zer des ni sems can 'chal ba'i shes rab can rnams shes rab thob par 'gyur ro// rnyog pa
25b8 med pa zhes bya ba'i 'od zer des ni sems can ma dad pa rnams dad pa thob par 'gyur ro/ / kun 'dzin pa zhes bya ba'i 'od zer des ni sems can thos pa nyung ba rnams thos pa thob par 'gyur ro// spyod pa dang ldan pa
iiif viewer powered by OpenSeadragon
Texts on this page
Q827 - 'phags pa tshangs pa khyad par sems kyis zhus pa zhes bya ba theg pa chen po'i mdo