| e-texts navigator |
| བོད་ཡིག |
25a1 'od zer dag pa'i rnam par bkod pa zhes bya ba'i 'od zer des reg pa'i sems can rnams brgya byin thob par bya ba'i phyir de bzhin gshegs pa la kun 'dri'o// 'od zer bdag po thob pa zhes bya ba'i 'od zer ngas
25a2 reg pa'i sems can rnams tshangs pa'i 'jig rten du skye bar bya ba'i phyir de bzhin gshegs pa la kun 'dri'o/ / 'od zer nyon mongs pa med par gyur pa zhes bya ba'i 'od zer des reg pa'i sems can rnams de bzhin
25a3 gshegs pa la nyan thos kyi theg pa kun 'dri'o/ / 'od zer rtse gcig pa dben pa dang ldan pa zhes bya ba'i 'od zer des reg pa'i sems can rnams de bzhin gshegs pa la rang sangs rgyas kyi theg pa kun 'dri'o// /
25a4 'od zer thams cad mkhyen pa'i ye shes su dbang bsrung ba thob pa zhes bya ba'i 'od zer des reg pa'i sems can rnams de bzhin gshegs pa la theg pa chen po sangs rgyas kyi theg pa kun 'dri'o// 'od zer khyad
25a5 par du 'gro ba zhes bya ba'i 'od zer des de bzhin gshegs pa byon pa 'am bzhud pa'i zhabs kyi mthil gyis sems can gang la reg pa de dag shi 'phos ma thag tu bde 'gro mtho ris kyi 'jig rten du skye'o/ / rgyan
25a6 thams cad bkod pa zhes bya ba'i 'od zer de de bzhin gshegs pa grong du gshegs pa na 'byin te/ der de bzhin gshegs pa'i 'od des sems can su dag la reg pa de dag thams cad bde ba'i mchog dang ldan
25a7 par 'gyur ro/ / rgyan thams cad bkod pa yang grong khyer der 'byung bar 'gyur ro// rnam par 'thor ba zhes bya ba'i 'od zer des ni de bzhin gshegs pa 'jig rten gyi khams mtha' yas ma med pa rab tu g.yo bar byed
25a8 do/ / bde ba ston pa zhes bya ba'i 'od zer des ni sems can dmyal ba pa'i sems can rnams kyi sems can dmyal ba'i sdug bsngal med par byed do// 'od zer byams pas 'phags pa zhes bya ba des ni byol song gi
iiif viewer powered by OpenSeadragon
Texts on this page
Q827 - 'phags pa tshangs pa khyad par sems kyis zhus pa zhes bya ba theg pa chen po'i mdo