| e-texts navigator |
| བོད་ཡིག |
175b1 de'i brgya 'char yang mi bod/ stong gi cha dang / dpe'i bar du yang mi bzod do// de nas lha rnams kyi dbang po brgya byin dang / mi mjed kyi bdag po tshangs pa dang / rgyal po chen po bzhi dang / lha'i bu dbang phyug dang / dbang phyug chen po
175b2 dang / dpal ldan legs dang / dga' ldan dang / lha'i bu yongs su dga' ldan gyis 'di ltar chos kyi rnam grangs 'di dang / de bzhin gshegs pa bcu po de rnams la mchod pa bya ba'i phyir de bzhin gshegs pa la lha'i
175b3 me tog dang / can dan gyi phye mas gtor/ mngon par gtor/ mngon par rab tu gtor to// tshig 'di skad ces kyang smras te/ bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di 'dzin
175b4 pa dang / 'chang ba dang / klog pa dang / brjod par bgyid pa de dag ni phyag bgyi ba'i 'os lags so// bcom ldan 'das tha na chos kyi rnam grangs 'di gang dgagis sug pa na mchis pa de dag ni bla na med pa yang dag par
175b5 rdzogs pa'i byang chub las phyir mi ldog par 'gyur ba lags so/ / bcom ldan 'das chos kyi rnam grangs 'di rigs kyi bu 'am rigs kyi bu mo gang dag gi rna lam du grag par 'gyur ba de dag ni bdud sdig can
175b6 gyi dbang du mchi bar mi 'gyur lags so/ / de nas bcom ldan 'das la rgyal po gzugs can snying po'i sras khye'u rin chen zla bas tshigs su bcad pas gsol pa// phung po med pa bcom ldan 'das// khyod
175b7 kyis legs gsungs dpag tu med/ / bdag dang lhar bcas 'jig rten rnams// khyod kyis 'di la yi rang ngo // 'jig rten mgon po 'das pa na// gang dag da dung ma byon dang // phyogs rnams ma lus gang bzhugs pa'i
175b8 sangs rgyas rnams la skyabs su mchi/ / sangs rgyas kun gyi yul gcig pa// chos dang dge 'dun zhi ba'i mchog/ yon tan legs pa bsam mi khyab// dge 'dun la yang skabs su mchi// byang chub sems dpa
iiif viewer powered by OpenSeadragon
Texts on this page
Q831 - 'phags pa rin chen zla bas zhus pa zhes bya ba theg pa chen po'i mdo