| e-texts navigator |
| བོད་ཡིག |
175a1 dag par rdzogs pa'i byang chub mngon par rdzogs par sangs rgyas so/ / skad cig thang cig yud tsam cig la de dag gis chos kyi 'khor lo bkar ro// thams cad kyi tshe tshad kyang mnyam mo// gzhon nu de bzhin
175a2 gshegs pa dgra bcom pa yang dag par rdzogs pa'i sangs rgyas de dag thams cad kyang nyi ma gcig tu skad cig thang cig yud tsam cig la yongs su mya ngan las 'da' bar 'gyur ro/ / de skad ces bka' stsal pa dang / bcom ldan
175a3 'das la rgyal po gzugs can snying po'i zas khye'u rin chen zla zas 'di skad ces gsol to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de dag gi sku tshe'i tshad ni ngo mtshar lags
175a4 te/ bcom ldan 'das de bzhin gshegs pa de dag gis ni sems can rnams la thugs brtse ba'i slad du su tshe'i tshad de tsam du ring ba gzhes lags so// com ldan 'das gzhan yang gis kyi bu'am rigs kyi bu mo gang de zhin gshegs pa de
175a5 rnams kyi sku tshe'i tshad 'di la de bzhin du 'dzin cing yid ches la spong bar mi bgyid 'dor bar mi bgyid pa de la bsod nams ji tsam skye bar 'gyur lags/ bcom ldan 'das kyis bka' stsal pa/ gzhon nu stong gsum gyi stong
175a6 chen po'i 'jig rten gyi khams 'di dang / de bzhin gshegs pa bcu po de dag gi sangs rgyas kyi zhing de ci reg dang / sangs rgyas kyi zhing bcu po rnams lha'i rin po che sna bdun gyis yongs su bkang nas de bzhin gshegs
175a7 pa dgra bcom pa yang dag par rdzogs pa'i sangs rgyas rnams la nyin cig bzhin du sbyin pa byin te/ de lta bur bskal pa grangs med par sbyin pa sbyin par byed la/ rigs kyi bu 'am rigs kyi bu mo gang gis mtshan 'di
175a8 rnams dang / sku tshe'i tshad 'di rnams thos nas de bzhin du 'dzin cing yid ches la smod par mi byed smod par mi byed de/ mos par mi byed cing 'thun par byed na bsod nams kyi phung po snga ma des bsod nams kyi brang po
iiif viewer powered by OpenSeadragon
Texts on this page
Q831 - 'phags pa rin chen zla bas zhus pa zhes bya ba theg pa chen po'i mdo