rKTs

e-texts navigator

Volume

Page

170b₁ dag chad dam mtha' rtogs par mi nus pa'i sangs rgyas kyi zhing bye ba khrag khrig 'bum phrag dpag tu med grangs med pa de snyed 'das pa na/ 'jig rten gyi khams mya ngan med pa zhes bya ba de yod do// 'jig rten gyi khams de yang lag
170b₂ mthil ltar mnyam par gyur pa/ rin po che sna bdun gyis legs par brgyan pa/ gser gyis gzhir 'dug cing / mig mangs ris su bris pa/ rin po che'i shing ljon pas brgyan pa/ sems can dmyal ba dang / dud 'gro skye gnas dang /
170b₃ yi dgas dang / lha ma yin gyi tshogs rnams med pa/ rtswa dang / shing skam dang / tsher ma dang / rdo dang / gseg ma dang / gyo mo dag med pa/ dam grog dang g.yang sa med pa/ me tog sil ma dag bkram pa yin te/ de na de bzhin gshegs pa dgra
170b₄ bcom pa yang dag par rdzogs pa'i sangs rgyas dpal bzang po zhes bya ba da ltar bzhugs zhing 'tshe la gzhes te/ byang chub sems dpa'i tshogs kyis bskor cing / byang chub sems dpas mdun gyis bltas pa/ rig pa
170b₅ dang zhabs su ldan pa/ bde bar gshegs pa/ 'jig rten mkhyen pa/ skyes bu gdul ba'i kha lo skur ba/ bla na med pa/ lha dang mi rnams kyi ston pa/ sangs rgyas bcom ldan 'das skyes bu chen po'i mtshan sum bcu rtsa gnyis kyis
170b₆ brgyan pa'i sku/ gser legs par bcos shing legs par dul ba lta bu rin po che'i brgyan legs par dkod pa bzhin du 'khor gyi nang na mdzes par bzhugs shing / thog mar dge ba bar du dge ba/ tha mar dge ba'i chos ston
170b₇ to/ / 'di skad ces kyang ston te/ 'di ltar sa'i khams ni med par mi 'gyur ro// de bzhin du chu'i khams dang / me'i khams dang / rlung gi khams dang / skye dgu'i bdag po tshangs pa dang / gzugs dang / tshor ba dang / 'du shes dang / 'du byed
170b₈ dang / / rnam par shes pa med par mi 'gyur ro zhes ston to// gzhon nu gzhan yang de bzhin gshegs pa dgra bcom pa yang dag par rdzogs pa'i sangs rgyas dpal bzang po bla na med pa yang dag par rdzogs pa'i byang chub

_{iiif viewer powered by OpenSeadragon}

170a - 171a

Texts on this page