| e-texts navigator |
| བོད་ཡིག |
13b1 mos pa dang / 'khrul pa med par kun tu spyod pa dang / ye shes 'dod cing yon tan gyi byed par la yid ches pa dang / de bzhin gshegs pa'i pho nya dang / nye bar spyod pa dang / sangs rgyas kyi snod du rung ba dang / dkon mchog gsum gyi
13b2 gdung sdud pa dang / dam pa'i chos 'bar bar byed pa dang / skye bo mang po yongs su smin par byed pa ste/ bcu po de dag yin no// rgyal po chen po chos lnga po 'di dang ldan pa'i rgyal rigs spyi bo nas dbang bskur ba'i rgyal po ni ji
13b3 skad smos pa'i yon tan 'di dag thob par 'gyur ro/ / de nas byang chub sems dpa' mthong ba don yod kyis de'i tshe tshigs su bcad pa 'di skad smras so// rgyal po sangs rgyas chos dang dge 'dun la// rtag tu lhag pa'i bsam
13b4 pa g.yo med pas/ / dad pa dang ni dad pa mi phyed pa// de la yon tan 'di dag dkon pa med// bcos ma ma yin shes nas dad pa skyes// de la dngos po ci yod sri ba med// byin nas kyang ni de la 'gyod pa med// 'dir ni yon tan de
13b5 dag dad pa'i mtshan/ / de dag bsam pa rtag tu rnyog pa med// mi phyed ri rab bzhin du bskyod du med// bum pa gang ba legs gnas mi g.yo ltar// de dag dad pa shin tu g.yo med pa// mthong la ma mthong thos la ma thos pa// gang
13b6 dag ri bzhin du ni g.yo ba med/ / de dag lta bu dad pa'i mtshan nyid de// gnas rnams kun tu rnams kyang 'gyur ba med// zhi ba 'dod phyir chos 'dod gang yin pa// mkhas pa des ni chos don kun spongs shing / de spangs nas kyang
13b7 de la sems pa med/ / de dag chos 'dod rnams kyi mtshan nyid do// skye bo'i bdag po gang zhig chos 'dod pa// gang tshe legs par gsungs pa mi nyan pa// sa bon rul bzhing ngan btab pa ltar// 'dren pa'i bstan pa dag la skye mi
13b8 'gyur/ / thos kyang 'di la bdag ni mkhas snyam sems// chos rnams rang bzhin ci 'dra rtogs snyam ste// lhag pa'i bsam pas spyod pa ma dag la// gnyis sems ldan la dag pa ga las 'ong // chos 'dod gang dag dran pa'i blo dang //
iiif viewer powered by OpenSeadragon
Texts on this page
Q826 - 'phags pa tshangs pas byin gyis zhus pa zhes bya ba theg pa chen po'i mdo