| e-texts navigator |
| བོད་ཡིག |
102b1 cad yongs su 'dzin pas gzungs kyi stobs bskyed pa dang / sangs rgyas kyi byin gyis yongs su bzung bas spobs pa'i stobs bskyed pa dang / mngon par shes pa lnga rab tu thob pas zab mo'i stobs bskyed pa dang / myur du thams
102b2 cad mkhyen pa'i ye shes yongs su rdzogs pas mi skye ba'i chos la bzod pa'i stobs bskyed pa ste/ 'jam dpal spyod pa la zhugs pa'i chos smra ba gang rig pa dang sngags kyi tshig 'di rab tu 'don pa de ni stobs bskyed pa de bcu
102b3 rab tu thob par 'gyur ro/ / rig pa dang sngags kyi tshig bstan pa 'di bcom ldan 'das kyis bshad pa'i tshe rgyal po chen po bzhi skrag cing ba spu langs par gyur te/ g.yog brgya stong phrag du ma dang bcom ldan 'das ga la ba der dong
102b4 nas phyin pa dang / bcom ldan 'das kyi zhabs la mgo bos phyag 'tshal te thal mo sbyar nas bcom ldan 'das la 'di skad ces gsol to// bcom ldan 'das bdag cag rgyal po chen po bzhi po dag ni rgyun du zhugs pa/ de bzhin
102b5 gshegs pa'i bka' sgrub par bgyid pa ste/ gnyen bshes dang bcas/ 'khor dang bcas/ rigs kyi bu dang / rigs kyi bu mo chos smra ba dang chos ston pa gang mdo sde 'di lta bu 'di 'chang ba dang / klog pa de dag la bcom ldan 'das
102b6 bdag cag rgyal po bzhis bsrung ba dang / bskyab pa dang / sba bar bgyi'o// de dag grong ngam/ grong khyer ram/ ljongs sam/ ljongs kyi phyogs gang na gnas kyang rung / khyim pa 'am/ rab tu byung ba yang rung ste/ bcom ldan 'das bdag
102b7 cag rgyal po bzhi stobs dang bcas/ 'khor dang bcas pas rigs kyi bu'am rigs kyi bu mo de dag gi rim gro bgyi bar bdag cag spro'o// bsrung ba dang / bskyab pa dang / spro ba dang / spobs pa dang / gzhan gyis gnod par mi
102b8 bgyi zhing mi gtse bar bgyi ba'i slad du bdag cag spro'o/ / bcom ldan 'das phyogs gang na chos kyi rnam grangs 'di rab tu spyod par 'gyur ba'i sa phyogs der dpag tshad brgya kho ra khor yug tu lha 'am/ klu 'am/ gnod sbyin nam/
iiif viewer powered by OpenSeadragon
Texts on this page
Q827 - 'phags pa tshangs pa khyad par sems kyis zhus pa zhes bya ba theg pa chen po'i mdo