| e-texts navigator |
| བོད་ཡིག |
100b1 de'i bar du sangs rgyas 'byung ba de dag thams cad la yang mnyes par byed par 'gyur/ bkur stir byed par 'gyur te/ sangs rgyas bcom ldan 'das de dag las chos kyi rnam grangs 'di yang thos par 'gyur ro// tshangs pa
100b2 dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za gang dag gis kyang chos kyi rnam grangs 'di la bzod pa rab tu thob pa de dag thams cad de bzhin gshegs pa rin po che
100b3 bkod pa'i sangs rgyas kyi zhing 'jig rten gyi khams rin chen ldan du skye bar 'gyur ro/ / de nas bcom ldan 'das la lha'i bu dri ma med pa'i tog gis 'di skad ces gsol to// bcom ldan 'das gang bdag ni byang chub mi
100b4 'tshal/ mi smon/ mngon par mi dga'/ mngon par ma chags/ mi dmigs/ mi sems/ mi rtog/ rnam par mi rtog na ci'i slad du bcom ldan 'das kyis bdag la lung bstan/ bcom ldan 'das kyis bka' stsal pa/ lha'i bu
100b5 'di ltar skyes bu la la zhig gis rtswa dang / shing dang yal ga dang / lo ma dang mdab ma dag mer bcug nas 'di skad du rtswa dang shing dang / yal ga dang / lo ma dang / mdab ma dag ma tshig ces smras na/ de de'i dbang gis mi 'tshig
100b6 ba ma yin no/ / lha'i bu de bzhin du 'di ltar byang chub sems dpa' byang chub la mngon par mi dga'/ mngon par ma chags/ mi dmigs/ mi 'dod/ mi smon/ mi sems/ rnam par mi rtog kyang / sangs rgyas thams cad lung ston te/
100b7 lha'i bu 'on kyang byang chub sems dpa' gang byang chub la mngon par mi dga'/ mngon par ma chags/ mi dmigs/ mi 'dod/ mi smon/ mi sems/ rnam par mi rtog pa de la de bzhin gshegs pa lung ston to// de nas 'khor der//
100b8 lha'i bu lnga brgya tsam gyis bcom ldan 'das la 'di skad ces gsol to// bcom ldan 'das bdag cag kyang byang chub la mngon par mi dga'// mngon par ma chags/ mi dmigs/ mi 'tshal/ mi spro na/ mi rtog/ rnam par mi rtog
iiif viewer powered by OpenSeadragon
Texts on this page
Q827 - 'phags pa tshangs pa khyad par sems kyis zhus pa zhes bya ba theg pa chen po'i mdo