| e-texts navigator |
| བོད་ཡིག |
9a1 ma gshegs min/ / gang zhig sems can spyod pa mthar byin mi gnas g.yo ba mi mang zhing // yan tan kun mthar gang byin yon tan rnams la rlon sems mi mnga' ga// zab pa'i dbang po shAkyas
9a2 sangs rgyas khyu mchog de la mgo bos 'thug/ 'od zer rnam dag nyi mas srin bu me khyer 'od rnams zil gyis mnan// me lce rtse 'thon bskal mtha'i ma yis sa la ji snyed yod pa bsreg/ ri mchog ri rab kyis ni sa la yod
9a3 pa'i ri kun zil gyis mnan/ / shAkya khyu mchog spu 'dis 'jig rten gsum gyi 'od gzhan zil du brlag/ zhing brgyad gnas lhags pa'i byang chub sems dpa' khyu mchog ji snyed pa// de dag gtso bo khyod kyi mdog dang gzi brjid
9a4 kyis ni tshim par gyur/ / gang dag smon lam ji ltar btab pa de ltar kun gyis 'thun par mthong // bdag cag gang nas ma 'ongs rang gi zhing nyid na ni 'dug par shes// ji ltar gang gis rang rig de ltar khyod kyi gsung ni shin du
9a5 'jug/ srid pa gsum na skad rnams ji snyed ci mchis de dang 'thun par 'jug/ rdul gyi rdul dang mi rnams kyis ni sems kyi bsam pa bgrang nus srid// thub pa'i gsung dbyangs tshad med nam mkha' 'dra 'di bgrang bar nus
9a6 ma lags/ / nam mkha'i mtha' dang mi rnams kyi ni mtha' ma bgrang bar mi nus te// 'khor ba'i sngon gyi mtha' ma nyid ni rnam pa kun tu bgrang mi nus// nam mkha'i mtha' dang 'khor ba'i mtha' ni mi yis bgrang bar nus kyang srid
9a7 sangs rgyas mkhyen dang ting 'dzin tshul khrims yul ni gang du'ang shes mi nus/ / gzhal yas bskal bar gang gi bsngags pa brjod par sla ba ma lags pa// khru mchog dpag yas chos kyi dbang phyug 'dren pa khyod la phyag
9a8 'tshal lo/ / skye bo gang dag shes dang mos pas sangs rgyas che ba rjes rtogs pa// de dag gis ni blo gros bsam yas rmad byung kun lhag 'dren pa mthong // de nas byang chub sems dpa' sems dpa' chen po blo gros rgya mtshos
iiif viewer powered by OpenSeadragon
Texts on this page
Q819 - 'phags pa blo gros rgya mtshos zhus pa zhes bya ba'i theg pa chen po'i mdo