rKTs

e-texts navigator

Volume

Page

96b₁ 'dzeg pa rnams lags/ bcom ldan 'das ji ltar na byang chub sems dpa' khyad par du mchi bas de la ma chags pa rnams lags/ bcom ldan 'das ji ltar na byang chub sems dpa' blo mi g.yo mi 'gyur zhing shin tu
96b₂ brtan pa rnams lags/ bcom ldan 'das ji ltar na byang chub sems dpa' thabs dang shes rab yongs su dag pa rnams lags/ bcom ldan 'das ji ltar na byang chub sems dpa' rgyang ring du lha la rtsa ba yang ma
96b₃ tshang pa rnams lags/ bcom ldan 'das ji ltar na byang chub sems dpa' yul yang 'byor la bag mchis pa yang mi 'dor ba rnams lags/ bcom ldan 'das ji ltar na byang chub sems dpa' don zab mo'i tshul la
96b₄ mi skrag pa rnams lags/ bcom ldan 'das ji ltar na byang chub sems dpa' la byang chub sems dpa' yang dag pa rnams shes bgyi/ blo gros rgya mtsho de skad ces gsol pa dang / bcom ldan 'das de bzhin
96b₅ gshegs pa dgra bcom pa yang dag par rdzogs pa'i sangs rgyas 'od zer snang ba mtha' yas des rgyal po yul shin tu rnam par dag pa la 'di skad ces bka' stsal to/ / rgyal po chen po de'i phyir legs par rab
96b₆ tu nyon la yid la zung shig dang bshad do/ / rgyal po chen po byang chub sems dpa' sems dpa' chen po chos bzhi dang ldan na theg pa chen po la gzhan gyi dring mi 'jog pa rnams yin no// bzhi gang zhe na/ mos pa las
96b₇ nges par byung ba'i dad pa 'phags pa 'jig rten las 'das pa dang / phyir mi ldog pa'i brtson 'grus 'ab bas sems can yongs su smin par bya ba la brtson pa dang / shin tu rnam par brtags pa'i thos mngon par
96b₈ shes pa'i ye shes kyis rnam par rtsen pa dang / so so yang dag par shes pa dang ldan pa'i shes rab kyis chos nges par rtogs pa'i mtshan nyid de/ rgyal po chen po byang chub sems dpa' sems dpa' chen po

_{iiif viewer powered by OpenSeadragon}

96a - 97a

Texts on this page