rKTs

e-texts navigator

Volume

Page

91a₁ byang chub sems dpa' ni chos gang la yang yongs su spro ba mi bskyed do/ / de de ltar ye shes mthong ba shin tu rnam par dag pa yin te/ 'dir gang la yang phan pa'am gnod pa mi byed do// de ltar chos
91a₂ rnams kyi chos nyid yang dag pa ji lta ba bzhin du rab tu shes pa ni snying rje chen po'i gocha de yang mi 'dor ro/ / blo gros rgya mtsho 'di lnga ste dper na/ nor bu rin po che bai dUr+ya ran thang med pa/ shin tu byung ba/ shin tu
91a₃ rnam par dag pa/ shin tu dri ma med pa rdzab kyi nang du bcug nas lo stong lon le de lo stong 'das nas rdzab de nas phyung ste bkrus shing yongs su sbyangs te/ byi dor byas na shin tu dag cing shin tu yongs su dag la
91a₄ shin tu byang nas de nyid dag pa dri ma med pa'i nor bu rin po che'i rang bzhin mi 'dor ro/ / blo gros rgya mtsho de bzhin du byang chub sems dpa' yang sems can thams cad kyi sems rang bzhin gyis 'od gsal bar
91a₅ rab tu shes la de yang blo bur gyi nye ba'i nyon mongs pas nyon mongs pa can du byas par mthong ngo / / de la byang chub sems dpa' 'di snyam du sems te/ nyon mongs pa 'di dag ni sems can rnams kyi sems rang bzhin gyis
91a₆ ' od gsal ba la zhugs pa med kyi nyon mongs pa de dag ni yang dag pa ma yin pa kun brtags pa las byung du zad pas bdag gis sems can de dag gi blo bur gyi nyon mongs pa spang pa'i phyir chos bstan nus so snyam nas de zhum
91a₇ pa'i sems mi skyed kyi de de bas kyang shas cher sems can thams cad rab tu thar bar bya ba'i sems bskyed pa bskyed do/ / de yang 'di snyam du sems te/ nyon mongs pa de dag la ni stobs dang mthu cung zad kyang med de/ nyon mongs
91a₈ pade dag ni stobs med pa nyam chung ba dag go/ / de dag ni yang dag pa la cung zad kyang mi gnas kyi nyon mongs pa de dag ni yang dag pa ma yin pa kun brtags pa dag ste/ de dag la yang dag pa ji lta ba bzhin du tshul bzhin yid la byed

_{iiif viewer powered by OpenSeadragon}

90b - 91b

Texts on this page