| e-texts navigator |
| བོད་ཡིག |
90a1 par bya'o/ / thams cad mkhyen pa nyid du yongs su bsngos pa'i byang chub sems dpa' ni chos zab ma rnams la yang stod la bar skabs su yang dag pa'i mtha' mngon sum du mi byed// yong su bsngob lasan pa bya snya bu'o/
90a2 de nas bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das byang chub sems dpa' gang 'khrul pa 'di skad cig bsrung yang 'khrul bar mi 'gyur ba ni bkye dka' ba bgyid pa'o//
90a3 bcom ldan 'das de lta lags kyis kyang byang chub sems dpas thams cad du yongs su bsngo ba la mkhas pa dang / thabs la mkhas pa 'tshal bar bgyi'o// de ci'i slad du zhe na/ bcom ldan 'das thabs kyis ni byang chub sems dpa'
90a4 bsam gtan dang rnam par thar pa dang ting nge 'dzin dang snyoms par 'jug pa la snyoms par zhugs kyang bsam gtan dang / rnam par thar pa dang / ting nge 'dzin dang snyoms par 'jug pa rnams kyis 'khrugs par mi 'gyur te//
90a5 thabs mkhas pa des bgyi ba thams cad kyang ston la bkye bar ltung bar yang mi 'gyur/ chos mnyam pa nyid la yang gnas la sems can log pa nyid du mchis pa rnams la yang dag pa nyid kyi nges par gyur pa'i slad du
90a6 chos kyang ston cing bsam pa yongs su ma rdzogs kyi bar du bdag nges par gyur pa der yang mi lhung ngo / / de skad ces gsol pa dang / bcom ldan 'das kyis byang chub sems dpa' blo gros rgya mtshol 'di skad ces bka' stsal
90a7 to/ / blo gros rgya mtsho de de bzhin no// ji skad du smras pa bzhin te/ byang chub sems dpas thams cad du thabs la mkhas pa 'dod par bya'o// de ci'i phyir zhe na/ blo gros rgya mtsho thabs la mkhas pa'i byang chub sems dpa' la byang chub
90a8 yod kyi thabs la me mkhas pa la ni byang chub med do/ / blo gros rgya mtsho 'di lta ste/ dper na/ snod gcig gi nang du tshon sna gsum ste/ sna gcig ni kha dog sngon po/ sna gcig ni kha dog dmar po/ sna gcig ni la dog gser gyi ma dog lta bu/
iiif viewer powered by OpenSeadragon
Texts on this page
Q819 - 'phags pa blo gros rgya mtshos zhus pa zhes bya ba'i theg pa chen po'i mdo