rKTs

e-texts navigator

Volume

Page

89a₁ kyis 'tshig pa bsrung mi bzod do/ / bcom ldan 'das kyis bka' stsal pa/ blo gros rgya mtsho ji ltar rdo rje'i go cha bgos pa'i mi de me'i nang du song yang mi 'tshig pa de bzhin du byang chub sems dpa' byams pa chen po
89a₂ dang / snying rje'i go cha dang / lhag pa'i bsam pa sra ba'i rdo rje'i go cha bgos nas sems can rab tu thar bar bya bar dmigs pa la gnas te/ chos thams cad la stong pa nyid dang / mtshan ma med pa dang / smon pa med pa dang / mngon par 'du
89a₃ mi byed pa dang / ma skyes pa dang / ma byung bar rtogs pa yang btang la zhi ba'i ting nge 'dzin de la yang snyoms par 'jug cing nyan thos dang rang sangs rgyas kyi nges par gyur pa la yang mi 'jug 'bras bu 'thob par yang mi byed par ting
89a₄ nge 'dzin de yang myong zhing zil gyis mnan cing yang ma nyams ma bsnang par ldang ngo / / langs nas kyang sangs rgyas kyi zhing yongs su sbyod/ sangs rgyas kyi ye shes yongs su rdzogs par byed do// blo gros rgya mtsho ji ltar rtsa dang sog ma'i go
89a₅ cha bgos pa'i mi de mchongs ma thag tu mes tshig par 'gyur ba de bzhin du blo gros rgya mtsho nyan thos kyi theg pa pa'i gang zag 'khor bas 'jigs skrag pa srid pa la kun tu 'bar bar blta ste/ sems can rnams yal bar bor nas snying
89a₆ rje chen po dang bral te zhe bzhi pa'i ting nge 'dzin la reg nas gnas ma yin zhing go skabs med de/ gang brgyad pa la 'bras bu ma thob par ldang ba de ni gnas med do// de ci'i phyir zhe na/ nyan thos ni bsod nams dang ye shes kyi tshogs ma
89a₇ bsags pa'i phyir ro/ / byang chub sems dpa' ni bsod nams dang ye shes kyi tshogs tshad med pa bsags pa ste de ni sangs rgyas kyi chos thams cad yongs su ma rdzogs par du bar skabs su yang dag pa'i mtha' mngon sum du ma
89a₈ byed do/ / blo gros rgya mtsho de lta bas na byang chub sems dpas stong pa nyid dang / mtshan ma med pa dang / smon pa med pa dang / mngon par 'du bya ba med pa dang / ma skyes pa dang / ma byung ba'i chos thams cad la me 'bar ba lta bu'i

_{iiif viewer powered by OpenSeadragon}

88b - 89b

Texts on this page