| e-texts navigator |
| བོད་ཡིག |
7b1 par gzhan byang chub sems dpa'i lus zil gyis mnan nas 'dug pa/ byang chub sems dpa' mang pos phyag byas pa mthong ngam/ gsol pa/ bcom ldan 'das mthong lags so// bcom ldan 'das kyis/
7b2 bka' stsal pa/ tshangs pa 'di ni byang chub sems dpa' sems dpa' chen po blo gros rgya mtsho zhes bya ba ste/ 'di ni de'i rnam par sprul pa'o// de nas tshangs pa snying rje chen po sems pas byang chub sems
7b3 dpa' sems dpa' chen po blo gros rgya mtsho la phyag 'tshal nas tshig 'di skad ces smras so/ / bcom ldan 'das sems can thams cad kyang rdzu 'phrul gyi cho 'phrul 'di lta bu dag thob par gyur cig/ gang
7b4 dag byang chub sems dpa' blo gros rgya mtsho'i ming thos pa'i sems can de dag ni rnyed pa legs par rnyed pa legs so/ / bcom ldan 'das bdag gis kyang skyes bu dam pa 'di'i ming thos shing gzugs kyi lus
7b5 kyang mthong bas bdag gis kyang rnyed pa legs par rnyed do/ / bcom ldan 'das 'dus pa chen po'i le'u yi chos kyi rnam grangs 'di yun ji srid gcig tu 'chad/ bcom ldan 'das kyis bka' stsal pa/ tshangs
7b6 pa ji srid du de bzhin gshegs pa'i sku tshe'i tshad gnas pa dang / de bzhin gshegs pa yongs su mya ngan las 'das nas kyang byang chub sems dpa' 'di dag chos kyi rnam grangs 'di 'chang ba dang klog pa dang
7b7 yang dag par rab tu ston pa dang / rgyas par byed kyi bar du'o// de ci'i phyir zhe na/ tshangs pa 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi byang chub ni 'di'i nang du
7b8 'dus pa'i phyir ro/ / de nas byang chub sems dpa' sems dpa' chen po blo gros rgya mtshos 'khor thams cad rgya cher yang dag par rab tu dga' bar bya ba dang / tshangs pa snying rje chen po sems pa 'dun par
iiif viewer powered by OpenSeadragon
Texts on this page
Q819 - 'phags pa blo gros rgya mtshos zhus pa zhes bya ba'i theg pa chen po'i mdo