| e-texts navigator |
| བོད་ཡིག |
79b1 brar pa/ / de dag shin tu rab tuzhi bar byed cing 'gro// byang chub sems dpa' theg pa mchog la gnas nas stan// le lo can gyi mi gang nyam chung mthu zhan la// sems can sdug bsngal zad par bya phyir sems mi skyed// bdag bde
79b2 tshal gyi sems can don la mi brtson pa/ / de dag theg pa mchog thos nas ni sems skrag 'gyur// byang chub sems dpa' mkhas gsal bdag nyid chen po gang // brtson 'grus stobs ldan rtag tu sems can don brtson la// snying rje
79b3 tshe dang ldan zhing bsam pa dag gyur pa/ / de dag rab tu dga' ba'i sems kyis theg mchog zhon// theg pa mchog rab gya nom gtso bo 'dir gnas te// 'jig rten kun gyi spyod rnams mtha' yas ji snyed dang // dbang po tha ma 'bring dang
79b4 rab dang bsam pa rnams/ / spyod kun byang chub sems dpas skad cig tsam las shes// brlabs po che'i theg pa mchog 'dir gnas nas ni// de yi lus kyi yan lag mtshan gyis brgyan par 'gyur// tshig snyan yid du 'ongad
79b5 zhing 'jig rten kun tshim byed/ / sems yid rnam dag bsam gtan mngon shes ldan par 'gyur// 'di las rgyal ba rnams kyi sangs rgyas tshul mi 'chad// 'di las chos tshul gya nom tshul yang rab tu 'bar// 'di las
79b6 'gro ba'i sbyin gnas dge 'dun 'thung bar 'gyur/ / des na sangs rgyas theg 'di 'jig rten gsum du grags// theg pa 'di ni stong pa'i zhing du mi 'gro ste// rgyal ba rnams kyi 'di ni skad cig mi snang 'gro// phyogs
79b7 bcur song yang yongs su mi skyo 'grib pa med/ / mtshungs pa med pa'i theg pa'i tshe 'phrul ci 'dra ltos// 'jig rten kun tu bskor kyang gang zhig de 'dra 'am// de las lhag par 'gyur ba'i sems can de mi rnyed// byung
79b8 chub sems dpa'i tshe nyid 'gro ba'i dpa' bo gcig/ theg pa mchog la gnas nas bdud sde skrag par byed// theg pa mchog la gnas nas gzugs dang stobs mthu dang // longs spyod dbang phyug thob cing brgya byin/
iiif viewer powered by OpenSeadragon
Texts on this page
Q819 - 'phags pa blo gros rgya mtshos zhus pa zhes bya ba'i theg pa chen po'i mdo