| e-texts navigator |
| བོད་ཡིག |
79a1 bdud kyi sde spangs nas/ / chags med theg pa che dang byang chub snying por 'gro// byams pa'i go cha'i chos kyi dgra yis thub par dka'// chos dang ldan pas snying rje chen por rim gyis 'gro// bsam gtan rdzu 'phrul rkang
79a2 dang tshad med bzhon pa ste/ / lam de mi 'dor kha lo bsgyur ba byang chub sems// phyogs bcu mtha' yas sems can khams rnams ci snyed pa// theg pa chen po 'di la bskyon pa thams cad ni// gnon pa med cing 'grib pa med
79a3 cing gang ba med/ / bde bar gshegs kyi theg pa'i cho 'phrul 'di 'dra'o// dran gnas yang dag sbyor dang spong ba bzhi dag dang // rdzu 'phrul rkang pa bzhi dang dbang po stobs rnams dang // rgyal bas bsngags pa'i byang chub yan
79a4 lag rin chen bdun/ / lam gyis 'gro bar ldan pa byang chub snying por 'gro// zhi gnas nyon mongs zhi zhing chos la snang bar 'gyur// rdul dang mun pa bsal nas srid pa gsum na mdzes// brgya byin dang ni tshangs pas spyi bos
79a5 phyag byas te/ / lags so mtshungs med theg 'dir kun gyis bzhon par bgyi// pha rol phyin pa gang dag sbyin tshul bzod pa dang // brtson 'grus bsam gtan shes rab ye shes mngon par shes// de bzhin thabs dang bsdu ba
79a6 snying po ldan pa ste/ / bdud rnams brgya stong gis kyang gdul phyir thub pa med// sems can gang dag tshul ngan sdig las brtson pa dang // byang chub sems dpa' gang dag yon tan brgyas 'phags dang // gang dag byang chub
79a7 sems kyi sems rgya cher gyur pa/ / kun kyang theg pa mchog la zhugs nas mnyam par mthong // gang dag sna tshogs sngags dang 'jig rten don ldan dang // gang dag dge chos yang dag 'jig rten 'das gyur pa// slob
79a8 dang mi slob gang dag rang rgyal rnams kyi dang / / sgo der sangs rgyas theg pa che ba'i bdag nyid zhugs// gang dag nyon mongs rnam mang sna tshogs sems ldan dang // sdug bsngal sems can gang dag 'dus byas 'khor
iiif viewer powered by OpenSeadragon
Texts on this page
Q819 - 'phags pa blo gros rgya mtshos zhus pa zhes bya ba'i theg pa chen po'i mdo