rKTs

e-texts navigator

Volume

Page

73a₁ chags pa'o/ / gzhan yang gsum ste/ ma rnyed pa dang mgrags pa dang smad pa dang sdug bsngal rnams kyis sra shib mad pa dang / rnyed pa dang grags pa dang bsngags pa dang bded pa rnams kyis khengs pa med pa
73a₂ dang / 'jig rten gyi chos brgyad dang ma 'dres pas ri ltar mi g.yo ba'o// gzhan yang gsum ste/ dbang po rnams shin tu sbas pa dang / mdud pa rnams las shin tu rnam par grol ba dang / sems shin tu dral ba'o// gnan
73a₃ yang gsum ste/ sa'i yon tan la gnas pa shes pa dang / sa'i nyes pa zlog pa shes pa dang / sa nas sar 'phar ba shes pa'o// gzhan yang gsum ste/ bsam pa gya nom pa la gnas pa dang / lhag pa'i bsam pa'i khyad
73a₄ par la gnas pa dang / sbyor ba rgyun mi 'chad par gnas pa'o// gzhan yang gsum ste/ ting nge 'dzin yongs su dag par bya ba'i phyir lhag pa'i tshul khrims la slob pa dang / shes rab yongs su rdzogs par bya ba'i phyir
73a₅ lhag pa'i sems la slob pa dang / rnam par grol ba yongs su rdzogs par bya ba'i phyir lhag pa'i shes rab la slob pa'o// gzhan yang gsum ste/ bde ba'i tshor ba la rjes su chags pa spong ba dang / sdug bsngal gyi
73a₆ tshor ba la khong khro ba spong ba dang / sdug bsngal yang med bde ba yang med pa'i tshor ba la ma rig pa spong ba'o// gzhan yang gsum ste/ mngon par 'du bya ba med pas rgyu las ldog pa dang / yongs su mi rtog pas nyon
73a₇ mongs pa las ldog pa dang / smon pa med pas khams gsum las ldog pa'o// gzhan yang gsum ste/ stong pa nyid kyang 'dris par byed la lta ba dang yang bral ba dang / mtshan ma med pa yang 'dris par byed la rnam
73a₈ par rtog pa yang nye bar zhi ba dang / smon pa med pa yang 'dris par byed la khams gsum yang 'gog pa'o// gzhan yang gsum ste/ mig stong pa nyid dang gzugs dben pa dang / mig gi rnam par shes pa gnas pa

_{iiif viewer powered by OpenSeadragon}

72b - 73b

Texts on this page