rKTs

e-texts navigator

Volume

Page

72a₁ yongs su bsngo ba'o/ / gzhan yang gsum ste/ brtson 'grus mgod pa dang / sems can le lo can rnams yongs su smin par byed pa dang / byang chub tu yongs su bsngo ba'o// gzhan yang gsum ste/ bsam gtan bskyed pa
72a₂ dang / bsam gtan de la ma chags pa dang / byang chub tu yongs su bsngo ba'o// gzhan yang gsum ste/ thos pa yongs su tshol ba dang / thos pa la so sor rtog pa dang / byang chub tu yongs su bsngo ba'o// gzhan yang gsum ste/ sems can la
72a₃ dmigs pa'i byams pa dang / chos la dmigs pa'i byams pa dang / dmigs pa med pa'i byams pa'o// gzhan yang gsum ste/ rang gis byed pa'i snying rje dang / gzhan byed du 'jug pa'i snying rje dang / mtha' gnyis gsal ba'i
72a₄ snying rje chen po'o/ / gzhan yang gsum ste/ bdag la phan pa'i phyir shes pa yongs su tshol ba dang / gzhan la phan pa'i phyir shes pa yong su tshol ba dang / gnyi ga'i don yongs su rdzogs par bya ba'i phyir brtson 'grus rtsom pa'o//
72a₅ gzhan yang gsum ste/ 'das pa la zad par shes pa dang / ma 'ongs pa lam phyin par shes pa dang / da ltar byung ba la chos gnas pa med par shes pa'o// gzhan yang gsum ste/ nges pa'i sems can rnams la rab tu grol ba'i byams
72a₆ pa dang / ma nges pa'i sems can rnams la rab tu grol ba'i byams pa dang / log pa nyid du nges pa'i sems can rnams la bskyab pa chen po'i byams pa'o// gzhan yang gsum ste/ 'grogs na bde bas lus las su rung ba dang /
72a₇ pha rol kun tu bsrung bas dag sbran pa dang / drang bas sems las su rung ba'o// gzhan yang gsum ste/ mi sdug pa la yang gnas la 'dod chags la spyod pa'i sems can dang 'grogs pa la yang mi smod pa dang / byams pa la
72a₈ yang gnas la zhe sdang la spyod pa'i sems can dang 'grogs pa la yang mi smod pa dang / rten cing 'brel bar 'byung ba la yang rnam par lta la gti mug la spyod pa'i sems can dang 'grogs pa la yang mi sprod pa'o// gzhan yang

_{iiif viewer powered by OpenSeadragon}

71b - 72b

Texts on this page