| e-texts navigator |
| བོད་ཡིག |
62b1 gshegs pa 'dus ma byas pa zhes bya'o/ / 'jam dpal de bzhin gshegs pa ni 'dus ma byas thob pa ste/ 'dus byas thams cad las shin tu 'das so// 'jam dpal gang dag de bzhin gshegs pa'i bstan pa
62b2 'di la mos pa de dag thams cad de bzhin gshegs pa'i rnam par grol bas rnam par grol bar 'gyur ro/ / rnam par grol nas chos nyid de las 'da' bar mi 'gyur ro// de nas byang chub sems dpa' gang dag byang
62b3 c hub sems dpa' blo gros rgya mtsho dang lhan cig tu 'jig rten gyi khams mi mjed 'dir lhags pa de dag gis bstan pa 'di thos nas tshim zhing mgu la yid ngas shing rab tu dga' ste dga' ba dang yid bde ba skyes nas
62b4 bdag cag sangs rgyas kyi zhing 'dir legs par lhags pa dang / bcom ldan 'das dang / 'jam dpal gzhon nur gyur pa dang / skyes bu dam pa 'di dag kyang mthong ba dang / chos zab mo bstan pa 'di yang thos pa ni
62b5 bdag cag gis rnyed pa legs par rnyed do zhes ched du brjod pa ched du brjod do/ / gang du chos kyi rnam grangs 'di gnas par 'gyur ba der sangs rgyas byung bar blta'o// gang du chos kyi rnam grangs 'di spyod par
62b6 'gyur ba der chos kyi 'khor lo rab tu bskor bar blta'o/ / da ltar byung ba'am de bzhin gshegs pa yongs su mya ngan las 'das kyang rung ste/ gang dag chos kyi rnam grangs 'di nyan pa dang / thos nas kyang
62b7 mos pa dang / 'dzin pa dang / 'chang ba dang / klog pa dang kun chub par byed pa dang / gzhan la yang rgya cher yang dag par rab tu ston par 'gyur ba'i sems can de dag kyang rnyed pa legs par rnyed pa dag go
62b8 bcom ldan 'das kyis bka' stsal pa/ rigs kyi bu dag khyed kyis ji ltar byang chub sems dpas rnyed pa legs par rnyed pa shes sam/ de dag gis gsol pa/ bcom ldan 'das byang chub sems dpa'
iiif viewer powered by OpenSeadragon
Texts on this page
Q819 - 'phags pa blo gros rgya mtshos zhus pa zhes bya ba'i theg pa chen po'i mdo