| e-texts navigator |
| བོད་ཡིག |
57a1 bu gzhan yang lus dang srog 'dor zhing mdo sde 'di dag kun du bsrung ba dang / sbed pa dang / sgrub par dgon pa la gnas pa 'di yang dam pa'i chos yongs su 'dzin pa'o// rigs kyi bu gzhan yang gang chos mnyan
57a2 pa'i rgyu las byung ba 'am chos bstan pa'i rgyu las byung bas tha na gom pa gcig 'dor ram/ tha na dbugs 'byin pa'am rngub pa gcig kyang rung ste 'di yang dam pa'i chos yongs su 'dzin pa'o// rigs kyi bu gzhan yang gang chos thams
57a3 cad yongs su mi 'dzin cing mi len pa 'di yang dam pa'i chos yongs su 'dzin pa zhes bya'o/ / yon tan gyi rgyal po snang ba khyod kyis rnam grangs 'dis kyang 'di ltar rig par bya'o// rigs kyi bu sngon byung ba 'das pa'i dus na
57a4 b skal pa grangs med pa'i yang ches grangs med par gyur pa de'i tshe de'i dus na dga' ba 'phags pa'i bskal pa la 'jig rten gyi khams 'od rnam par dag par bcom ldan 'das ye shes chen po'i stobs bsgrags pa zhes
57a5 bya ba'i de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba bla na med pa/ lha dang
57a6 mi rnams kyi ston pa sangs rgyas bcom ldan 'das 'jig rten du byung ngo / / rigs kyi bu 'jig rten gyi khams 'od rnam par dag pa de ni bai dUr+ya las grub pa/ shin tu rnam par dag pa/ phyogs bcu snang bas rgyas par
57a7 'gengs pa/ byang chub sems dpa' sems dpa' chen po mngon par shes pa chen po'i stobs kyis rnam par rtsen pa/ chos zab mo la nges par byung ba nyi tshe'i gnas su gyur pa'o// de'i tshe sems can de dag gi
57a8 longs spyod ni lha'i bu rab 'phrul gyi dang 'dra bar gyur cing lha'i bu'i gzugs nyid kyis bcom ldan 'das de la chos nyan to/ / de na khyim pa dang rab tu byung ba tha dad du bya ba med do// bcom ldan 'das ye shes chen po'i
iiif viewer powered by OpenSeadragon
Texts on this page
Q819 - 'phags pa blo gros rgya mtshos zhus pa zhes bya ba'i theg pa chen po'i mdo