| e-texts navigator |
| བོད་ཡིག |
53b1 nas skrag par 'gyur ba'i sangs rgyas kyi chos de gang yang med do/ / blo gros rgya mtsho bstan pa'i sgra de dag thams cad ni 'jigs pa'o// byang chub kyi don dam pa gang yin pa de yang brjod par mi nus so// de ci'i phyir zhe na/
53b2 brjod du med pa de ni bsnyad du med pa ste/ de la yi ge rnams kun tu mi rgyu'o// de la ni sems dang sems las byung ba'i chos rnams kyang kun tu mi rkun yi ge rnams kun tu rgyu bar 'gyur ba lta smos kyang ci dgos/ 'di
53b3 ltar chos zab mo yi ge med pa/ bsnyad du med pa/ brjod du med pa/ sgrar med pa 'di lta bu mngon par rdzogs par sangs rgyas kyang yi ge'i rnam par rig pas sems can gzhan dag dang gang zag gzhan rnams la ston te/
53b4 sems can bsam gyis mi khyab pa dag la sangs rgyas bcom ldan 'das rnams kyi thugs rje chen po ji snyed 'jug pa la ltos/ blo gros rgya mtsho 'di lta ste dper na/ skyes bu la la zhig gis nam mkha' gzugs med pa
53b5 bstan du med pa/ thogs pa med pa/ rnam par rig pa med pa 'di la tshon sna tshogs kyis ri mo bris terta dang glang po che dang shing rta dang dpung bu chung dang bzhon pa rnams su 'dir nye bar ston tam/ lha dang klung dganod
53b6 sbyin dang dri za'i gzugs 'di nye bar ston na/ blo gros rgya mtsho 'di la ji snyam du sems/ skyes bu de dka' ba byed pa ma yin nam/ gsol pa/ bcom ldan 'das dka' ba bgyid pa'o// bde bar gshegs pa mchog
53b7 tu dka' ba bgyid pa'o/ / bcom ldan 'das kyis bka' stsal pa/ blo gros rgya mtsho sangs rgyas bcom ldan 'das gang dag brjod du med pa'i chos mngon par rdzogs par sangs rgyas nas kyang sems can gzhan dag
53b8 dang gang zag gzhan rnams la brjod du med pa'i don de brjod pas rnam par rig par byed cing go bar byed pa ni de bas kyang ches dka' ba mdzad pa'o/ / gang dag sangs rgyas kyi chos zab mo 'di dag la mi skrag mi
iiif viewer powered by OpenSeadragon
Texts on this page
Q819 - 'phags pa blo gros rgya mtshos zhus pa zhes bya ba'i theg pa chen po'i mdo