| e-texts navigator |
| བོད་ཡིག |
50a1 so sor rtog pa sems ni rab sbyangs pa// mtshan ma'i spyod yul thams cad gang log pa// de ni bsgrub pa'i tshul du brjod pa yin// lus dang sems ni rab tu sbyangs pa dang // rgyu dang lha las rab tu 'da' ba dang // ming
50a2 dang gzugs ni yongs su gang shes pa/ / de ni brtson 'grus mchog ces 'phags pas bsngags// nga dang nga yi zhes pa nam 'gag pa// de tshe bcings pa kun las rnam par grol// kun nas ldang med sgrib pa lnga las grol//
50a3 mkhas pa the tsom dang ni 'gyod pa spangs// mdud pa rnams dang zug rngu bsal ba gang // bsgribs pa med cing rgyun chad yod pa min// nga rgyal mngon pa'i nga rgyal gang tshe spangs// de tshe brtson 'grus stobs kyis las byas yin/
50a4 mtshan ma thams cad sel ba gang yin dang // spros pa thams cad 'jug pa med pa dang // nyon mongs thams cad spong ba gang yin pa// brtson 'grus de ni mkhas pa rnams kyis bsngags// brtson 'grus 'bar bas rab tu/
50a5 bsngags pa'i tshe// brtson 'grus yon tan 'di dag thos nas ni// grags pa chen po stong phrag bcu kun gyis// mi skye'i bzod pa rab tu thob par 'gyur// 'di thos nas ni stong phrag lnga zhig kyang // sangs rgyas zhing 'dir
50a6 bzod pa rnam par sbyangs/ / mi dang lha dang lha min mi 'am ci// bdud stong byang chub mchog la rab tu zhugs// de ni gang gis brtson 'grus mchog reg pa// dge slong brtson 'grus brtan pa nga yin te// brtson 'grus
50a7 brtsams nas ngas ni lus btang ste/ / 'dug bzhin de tshe 'chi ba'i dus byas gyur// brgyad khri las ni bzhi stong lhag pa la// bdag gis lus ni rab tu skams par byas// bskal pa gcig la 'dren pa mnyes byas te/
50a8 bdag gis byang chub sems dpa' phyir bsnyil to// brtson 'grus brtsams pa'i le'u ste lnga pa'o// // de nas tshangs pa chen po snying rje chen po sems pas byang chub sems dpa' sems dpa' chen po/
iiif viewer powered by OpenSeadragon
Texts on this page
Q819 - 'phags pa blo gros rgya mtshos zhus pa zhes bya ba'i theg pa chen po'i mdo