| e-texts navigator |
| བོད་ཡིག |
46b1 lus dang sems las su rung bar byed pa'o/ / bsgrub pa ni mngon par 'du bya ba med pa'i rdzu 'phrul rab tu thob par byed pa'o// gzhan yang rtsom pa ni byang chub kyi yan lag rnams la'o// rtul ba ni lam la'o// so sor rtog pa ni zhi
46b2 gnas dang lhag mthong la'o/ / bsgrub pa ni rig pa dang rnam par grol ba la'o// gzhan yang rtsom pa ni 'jug pa'i spyod pa'o// rtul ba ni dkar po rnam par mthong ba'i spyod pa'o// so sor rtog pa ni sems shin tu sbyangs pa'o//
46b3 bsgrub pa ni phyir mi ldog pa'i ye shes so// blo gros rgya mtsho gzhan yang bcom ldan 'das de bzhin gshegs pa brtson 'grus 'bar ba des byang chub sems dpa' go cha sra ba la 'di skad ces bka' stsal to// rigs kyi bu brtson/
46b4 'grus de ni gang lus dang sems yongs su sbyangs pa'o// brtson 'grus de ni gang rgyu dang lta ba dang bral ba'o// brtson 'grus de ni gang ming dang gzugs yongs su shes pa'o// brtson 'grus de ni gang ngar 'dzin pa dang // da yir
46b5 'dzin pa 'gog pa'o/ / brtson 'grus de ni gang 'dzin pa dang 'chi dba' dor ba'o// brtson 'grus de ni gang sgrib pa rnams dang kun nas ldang ba rnams rnam par sel ba'o// brtson 'grus de ni gang 'gyod pa dang the tsom spong ba'o//
46b6 brtson 'grus de ni gang mdud pa rnams dang zug rngu rnams dang yang dag par sel ba'o// brtson 'grus de ni gang dmigs pa dang / rgyun chad pa las shin du 'da' ba'o// brtson 'grus de ni gang nga rgyal dang mngon pa'i nga rgyal rnam
46b7 par spong ba'o/ / brtson 'grus de ni gzhi dang gnas las shin tu 'da' ba'o// brtson 'grus de ni gang rjes su chags pa dang khong khro ba spong ba'o// brtson 'grus de ni gang ma rig pa dang srid pa'i sred pa rab tu sbyangs pa'o//
46b8 brtson 'grus de ni gang chags pa dang zhe sdang kun tu mi rgyu ba'o// brtson 'grus de ni gang gti mug dang so sor mi rtog pa dang bral ba'o// brtson 'grus de ni gang nang dang phyi'i skye mched rnams yongs su shes pa'o//
iiif viewer powered by OpenSeadragon
Texts on this page
Q819 - 'phags pa blo gros rgya mtshos zhus pa zhes bya ba'i theg pa chen po'i mdo