| e-texts navigator |
| བོད་ཡིག |
45b1 gzhan mi dmigs pa'o/ / gzhan yang rtsom pa ni le lo'i dri ma sel ba'o// rtul pa ni brtson 'grus kyi dri ma las dben pa'o// so sor rtog pa ni sems can le lo can yongs su smin par byed pa'o// sgrub pa ni de bya
45b2 byed pa'o/ / gzhan yang rtsom pa ni bya ba yang dag par sgrub pa'o// rdul pa ni bya ba nyams 'og tu chud par byed pa'o// so sor rtog pa ni theg pa gzhan la mi re ba'o// bsgrub pa ni las kyi rnam par smin pa chud mi bzon pa'o// gzhan yang
45b3 rtsom pa ni dran pa'o/ / rtul ba ni rtogs pa'o// so sor rtog pa ni blo gros so// bsgrub pa ni mos pa'o// gzhan yang rtsom pa ni rigs pa'o// rtul ba ni tshul lo// so sor rtog pa ni sgo'o// sgrub pa ni 'byung ba'o// gzhan yang rtsom pa ni
45b4 tshig 'bru kun chub par byed pa'o/ / tul ba ni tshig 'bru 'dzin pa'o// so sor rtog pa ni tshig 'bru sel ba'o// bsgrub pa ni chos brjod du med par rtogs pa'o// gzhan yang rtsom pa ni dge ba'i bshes gnyen la rten pa'o// rtul ba ni
45b5 sdig pa'i grogs po yongs su spong ba'o/ / so sor rtog pa mdza' ba dang / mi mdza' ba rnams la sems snyoms pa'o// bsgrub pa ni ji skad smras pa'i tshig dang mi 'gal bar byed pa'o// gzhan yang rtsom pa ni rab tu 'byung ba'i
45b6 sems so/ / rtul ba ni dga' ba dang mi dga' ba la mi blta ba'o// so sor rtog pa ni dge ba ci zhes tshol ba'o// bsgrub pa ni gzhan la rag ma las par ye shes rab tu thob pa'o// gzhan yang rtsom pa ni dgon pa la gnas pa'o// /
45b7 rtul ba ni 'du 'dzi la mi dga' ba'o// so sor rtog pa ni dben par gnas pa la dga' ba'o// bsgrub pa ni nyon mongs pa med par gnas pa'o// gzhan yang rtsom pa ni 'dod pa chud pa'o// rtul pa ni chog shes pa'o// so sor rtog
45b8 ba ni dgang sla ba'o/ / bsgrub pa ni rung ba la tshod shes pa'o// gzhan yang rtsom pa ni lhag pa'i tshul khrims la slob pa'o// tul ba ni tshul khrims mi lhod pa'o// so sor rtog pa ni lhag pa'i sems la slob pa'o// bsgrub pa
iiif viewer powered by OpenSeadragon
Texts on this page
Q819 - 'phags pa blo gros rgya mtshos zhus pa zhes bya ba'i theg pa chen po'i mdo