| e-texts navigator |
| བོད་ཡིག |
42b1 nyon mongs gang gis yid ni nyer nyon mongs// de dag tshul bzhin gyis ni yongs su spangs// 'di la byed po med cing tshor ba med// chos rnams thams cad rjes med ya ma rA// gang zag med cing bdag gis bdag med bstan//
42b2 rmi lam ngo bo nyid de nam mkha' 'dra// 'di dag lus kyi las kyis rab phye min// ngag gam sems kyis rnam par brtags ma yin// yang dag tu ni byas min gzhan min te// de dag la ni dpe byar mi nus so// nam
42b3 mkha' mtshungs shing dri med ngo bo nyid/ / gzugs can ma yin bstan du yod ma yin// mig gis shes bya ma yin rna snas min// lce dang lus dang yid rnams kyis kyang min// mtshan nyid ma yin mtshan nyid rnam
42b4 par log/ zhi ba gnas med zla ba'i gzugs brnyan 'dra// de la sems mi rgyu ste yid kyang min// rnam shes ma yin 'du shes sems dpa' min// de dag ye shes las dang de bzhin du// rnam par shes pa'i las kyis shes mi nus//
42b5 ye shes rnams kyis chos 'di bsnyad pa gang // sangs rgyas thugs rje 'di ni bla na med// sems can gang dag sngon chad byas ldan zhing // dge ba'i bshes gnyen gyis kyang yongs su zin// de dag 'di 'dra'i chos 'di thos nas ni//
42b6 dga' ba rgya chen zang zing med pa 'thob// 'di ni ci sems ci zhig byed cig ces// de dag bdud kyis skyon chags mi rnyed de// sems dang sems kyi spyod yul mi shes na// bar du bdud las byed par ga la 'gyur// bdud bzhi 'di
42b7 las shin tu 'das nas ni/ / rigs pa dang ni blo dang bsod nams dang // tshul gyis sangs rgyas spyod yul rab gnas pa// byang chub spyod pa dam pa 'di la spyod// gang zhig sems can kun gyi spyod shes pas// de ni byang chub spyod/
42b8 mchog 'di la spyod// de yis spyod pa rnam mang 'di thos nas// de yi mtshan nyid chos kyang rab tu ston// 'gro ba'i spyod pa 'di ni sna tshogs te// phan tshun dmigs par yang dag rab tu ldan// bdag chen de dag spyod yul de shes nas//
iiif viewer powered by OpenSeadragon
Texts on this page
Q819 - 'phags pa blo gros rgya mtshos zhus pa zhes bya ba'i theg pa chen po'i mdo